Atyrauda tamyz aiynda Jaiyq özenıne batyp ketken jasöspırımderdıŋ bırınıŋ anasy qalada kölık qozǧalysyn şekteuge tyrysty. Būl turaly äleumettık jelıde beinejazba tarady, dep habarlaidy “Adyrna” ūlttyq portaly.
Atyrau oblystyq polisiia departamentınıŋ baspasöz qyzmetı tömendegıdei tüsınık beredı.
«Bügın, 11 qazan künı saǧat 9:00 şamasynda qala tūrǧyny oblystyq prokuratura tūsyndaǧy jol qiylysynda kölık qozǧalysyn şektemek boldy. Äiel adam qūqyq būzuşylyqtyŋ aldyn aluǧa barǧan tärtıp saqşylarynyŋ zaŋdy talabyna baǧynbai kedergı keltırdı. Atalǧan azamatşa – tamyz aiynda Jaiyq özenıne dostarymen baryp, batyp ketken jasöspırımnıŋ anasy. Polisiia būl derek boiynşa tamyz aiynan berı qylmystyq ıstı tergeudı jürgızıp jatyr. Tergeudıŋ keşendı ıs-äreketterı jan-jaqty jürgızılıp, jäbırlenuşıge tüsındırıldı. Qylmystyq ıstı tergeu barysy departament basşylyǧynyŋ tıkelei baqylauyna alyndy», - dep habarlady departamenttıŋ baspasöz qyzmetı.
Ūqsas jaŋalyqtar
