Memleket basshysy Qasym-Jomart Toqaev Mańǵystaý oblysyna jumys saparymen baryp, óńirde jańa kásiporyndar ashý kerektigine toqtaldy. Bul týraly "Adyrna" ulttyq portaly jazady.
«Mańǵystaýdyń óńdeý ónerkásibin jáne bıznes salasyn damytý qajet. Bul aımaq Táýelsizdigimizdiń tuǵyryn nyǵaıtýǵa orasan zor úles qosty. Munda elimizdegi munaıdyń tórtten biri óndiriledi. Munaı-gaz salasymen qatar oblysta ekonomıkanyń óńdeý ónerkásibin damytýǵa mol múmkindik bar. Qazir memleket aldynda turǵan negizgi mindettiń biri – ulttyq ekonomıkany is-júzinde ártaraptandyrý. Sondaı-aq, tereń óńdelgen daıyn ónim shyǵaratyn óndiris oryndaryn ashý qajet. Men bul týraly Úkimet jıyndarynda, óńirlerge barǵan kezde únemi aıtyp júrmin. Barlyq ákimder osy máselege basa nazar aýdarýǵa tıis. Bul – Úkimet pen ákimderdiń aldynda turǵan mańyzdy mindet. Oblysta sońǵy bes jyl boıy birqatar iri óndiris oryndary toqtap tur. Bul jaǵdaı jumyssyz qalǵan azamattar arasynda narazylyq týǵyzǵanyn jaqsy túsinemin. Úkimet osy óndiristerdi jandandyrý úshin tıimdi sharalardy shuǵyl túrde qabyldaýǵa tıis. Qajet bolsa, jańa ónim shyǵarý úshin naryqtyń suranysyna saı beıimdeý joldaryn qarastyrý kerek. Sonymen birge, básekege qabiletti jańa kásiporyndar ashqan jón. 2023-2026 jyldary 29 jobany júzege asyrýdy josparlap otyrmyz. Sonyń nátıjesinde 3 myń turaqty jumys orny ashylady. Úkimetke jáne ákimdikke barlyq jobalardyń ýaqytyly aıaqtalýyn qamtamasyz etýdi tapsyramyn», - dedi Toqaev.
"Adyrna" ulttyq portaly
