Qaraǵandyda eki júkti áıel esirtki saýdasymen aınalysqan. Olar sıntetıkalyq esirtkini kólikpen tasymaldaǵan, - dep habarlaıdy “Adyrna” ulttyq portaly.
Qaraǵandy oblysynyń polıııa departamentiniń málimetinshe, esirtki tasymaldaýshylardyń biri Qaraǵandydan shamamen 20 shaqyrym jerde ustaldy. Onyń kóliginiń júksalǵyshynan eki keliden astam sıntetıkalyq esirtki tabylǵan. Tergeý barysynda áıel tyıym salynǵan zattardy elimizdiń ońtústik oblystarynan ákelgenin moıyndady. Polıııa ekinshi kýrerdi dál qalanyń ortasynan ustady. Ony tintý barysynda sıntetıkanyń úlken partııasy tabyldy.
"Ekeýi de aýqatty otbasynan shyqqan, tabysy bar. Bireýiniń balalary kóp. Jaǵdaılaryna qaramastan, olar "jeńil" aqshaǵa jeligip, aqyry bas bostandyǵynan aıyryldy. Olar sottalyp, 10 jylǵa deıin qamaýǵa alyndy” delingen PD málimdemesinde.
Bıyl jyl basynan beri esirtki taratýmen aınalysqan 53 adam ustalǵany aıtyldy.
Sonymen qatar, jyl basynan beri oblysta aqparattyq resýrstar arqyly esirtki satý boıynsha 71 qylmystyq is qozǵalsa, onyń 40-y graffıtı arqyly jarnamalaýǵa qatysty bolǵany ataldy. Polıııa qabyrǵadaǵy mundaı jarnamamen belsendi kúresip jatyr: jyl basynan beri 10 myńǵa jýyq esirtki graffıtıi joıyldy.
«13 qyrkúıekte biz esirtkiniń taralýyna qarsy kúres jáne salaýatty ómir saltyn nasıhattaýǵa baǵyttalǵan aýqymdy is-shara ótkizdik, oǵan myńnan astam adam qatysty, tórt myńnan astam esirtki graffıtıi boıaldy, úsh myńnan astam eskertpeler jáne býkletter taratyldy, graffıtı arqyly esirtkini jarnamalaýdyń qandaı túri bolmasyn 3 jyldan 6 jylǵa deıin bas bostandyǵynan aıyrý túrindegi qylmystyq jaýapkershilikke tartylatynyn eske salamyz», - dep tolyqtyrdy polıııanyń baspasóz qyzmeti.
Buǵan deıin, Qazaqstanda Ishki ister mınıstrligi janynan Esirtki qylmysyna qarsy kúres komıteti qurylǵany habarlanǵan bolatyn. Esirtki qylmysymen kúres jónindegi qazirgi bólim jańa basqarma bolyp ózgertildi.
