Prokýrorlar Almatyda ulttyq kınematografııany qoldaýǵa bólingen bıýdjet qarajatynyń urlanǵanyn áshkereledi, dep habarlaıdy «Adyrna» ulttyq portaly.
Almaty qalasynyń prokýratýrasy «Sháken Aımanov atyndaǵy Qazaqfılm» akıonerlik qoǵamyn tekserý qorytyndysy boıynsha, bıýdjet qarajatyn asa iri mólsherde urlaý faktisimen sotqa deıingi tergep-tekserýdi bastady. Málimetterge súıensek, fılm túsirýge baǵyttalǵan 400 mıllıon teńgeden astam qarajat jymqyrylǵan.
Sotqa deıingi tergeýdi Ekonomıkalyq tergeý departamenti júrgizip jatyr.
Eske sala keteıik, 2021 jyldyń qańtarynda «Qasym han» tarıhı serıalynyń túsirilimi kezinde 30 mıllıonǵa jýyq teńgeniń urlanǵany belgili boldy. Tergeý barysynda atalǵan qylmysqa qatysy bar tulǵalardyń qyzmet babyn paıdalanyp, pırotehnıkalyq zattardy satyp alýǵa bólingen bıýdjet qarajatyn urlaǵany dáleldendi.
«Adyrna» ulttyq portaly
