Shymkentte túrmedegi tutqyn qaıtys boldy, dep habarlaıdy “Adyrna” ulttyq portaly.
37 jastaǵy jazasyn óteýshi azamattyń týystary onyń ózdiginen qaıtys bolǵanyna senbeıtinin aıtty. Ádildik izdegender marqumdy mekeme qyzmetkerleriniń uryp óltirgenin aıtady.
Al quqyq qorǵaý organdarynyń ózi onyń uzaqqa sozylǵan syrqattan qaıtys bolǵanyn aıtady.
Kúzet mekemesi basshysynyń dereginshe, bopsalaý faktisi boıynsha 3,5 jylǵa sottalǵan azamat túrmege túsken sátten bastap asqazan aýrýymen aýyrǵan. 5 ret medıınalyq kómekke júginip, artynsha sońǵy ret 3 qyrkúıekte aýrýhanaǵa túsip, keıin qaıtys bolǵanyn habarlady.
Marqumnyń artynda áıeli men úsh balasy qaldy.
"Qazir tergeý júrip jatyr. Qylmystyq is qozǵalyp, tıisti organdarda tergeledi. Árıne, marqumnyń týystary bizge senbeıdi. Bálkim, olar ony urdy dep oılaıtyn shyǵar. Tekserý qorytyndysy týystaryna habarlanady", - deıdi qylmystyq atqarý júıesiniń Shymkent qalasy men Túrkistan oblysy boıynsha departamentiniń № 54 mekemesiniń basshysy Serikbaı Dúısenov.
