Almatyda quqyq qorǵaý organdary ádilet polkovnıgi Ákimbaı Bekzat Baltabaıulyn sybaılas jemqorlyq isi boıynsha qyzmettik kabınetinde ustady, dep habarlaıdy "Adyrna" ulttyq portaly.
Resmı málimetke sáıkes, ol Almaty qalasy boıynsha QAJD-nyń №13 mınımaldy qaýipsizdik mekemesiniń basshysy qyzmetin atqarǵan.
QR IIM Qylmystyq-atqarý júıesi komıtetiniń (QAJK) málimetinshe, ustalǵan azamat quqyq qorǵaý organdarynyń qyzmetkeri bolyp sanalmaıdy.
"Qazirgi tańda quzyrly organdar onyń isine qatysty sotqa deıingi tergeý amaldaryn júrgizýde. Qylmystyq-atqarý júıesi komıteti kez kelgen quqyqbuzýshylyqqa "nóldik tózimdilik" saıasatyn ustanady jáne tergeý organdaryna jan-jaqty kómek kórsetedi", – dep habarlady QAJK.
