Täjıkstannyŋ Darvaz audanynda Auǧanstan aumaǧyndaǧy qaruly qaqtyǧys kezınde atylǧan oqtan 21 jastaǧy äiel qaza tapty, dep habarlaidy “Adyrna”.
Şeteldık BAQ habarlauynşa, oqiǧa 13 tamyzda Darvaz audanynyŋ Daştak auylynda bolǧan.
Aldyn ala mälımet boiynşa, äiel üi şaruasymen ainalysyp jürgen kezde oq terezeden kırıp, onyŋ bauyr tūsyna tigen. Jaralanǧan azamatşa auruhanaǧa jetkızu barysynda köz jūmdy. Artynda kışkentai balasy qaldy.
Täjıkstan SIM mälımetınşe, Auǧanstan aumaǧyndaǧy qaqtyǧys kezınde «Taliban» qozǧalysyna tiesılı tıkūşaqtar Täjıkstannyŋ äue keŋıstıgın būzǧan. Sonymen qatar atys saldarynan şekara maŋyndaǧy tūrǧyn üilerge zaqym kelgen.
Osyǧan bailanysty Täjıkstan SIM Auǧanstan tarapyna narazylyq notasyn joldap, oqiǧaǧa qatysty jan-jaqty tergeu jürgızudı talap ettı. Qazır eldıŋ tiıstı qauıpsızdık jäne äskeri qūrylymdary oqiǧanyŋ män-jaiyn anyqtap jatyr.
Qaqtyǧys Auǧanstannyŋ Badahşan provinsiiasyndaǧy Nusai audanynda «Taliban» küşterı men komandir Djuma Han Fatehke adal qaruly toptar arasynda bolǧan. Qaruly qaqtyǧys 11 tamyzda bastalǧan. Taraptar arasyndaǧy teketıreske altyn öndıretın nysandardy baqylau mäselesı jäne Fatehke jaqyn adamdardyŋ ūstaluyna bailanysty dau sebep bolǧany habarlandy.
13 tamyzda «Taliban» küşterı Fateh jaqtastarynyŋ pozisiialaryna äueden soqqy jasaǧan. Qaqtyǧys barysynda Fatehke qarasty küşter «Talibannyŋ» Mi-17 tıkūşaǧyn atyp tüsırgenı turaly aqparat tarady. Alaida tıkūşaqtaǧy adamdardyŋ taǧdyry turaly mälımet äzırge resmi türde rastalǧan joq.
Täjıkstan prezidentı Emomali Rahmon 14 tamyzda Darvaz audanynyŋ basşysy Umedjon Nosirzodamen telefon arqyly söilestı. Memleket basşysy qaza tapqan äieldıŋ otbasyna köŋıl aityp, otbasyǧa qarjylai jäne moraldyq qoldau körsetudı tapsyrdy. Sondai-aq marqūmnyŋ kışkentai balasynyŋ tärbiesı men bılım aluyna erekşe nazar audarudy tapsyrdy.
