"Aq jol" partııasynyń resmı saıtynda UQK partııa tóraǵasynyń orynbasary Dmıtrıı Vasılevtiń ustalýyna qatysty resmı habarlama jarııalandy, dep habarlaıdy "Adyrna" ulttyq portaly.
Onda jaǵdaıdyń partııadaǵy qyzmetine esh qatysy joq ekeni jazylǵan.
"Apta saıyn derlik sheneýnikter men olardyń sybaılastarynyń tulǵalardyń ustalǵany týraly habarlar jarııalanǵanymen, ádette olardyń partııalarǵa qatystylyǵyna eshkim nazar aýdarmaıdy. Al, dál osy máselede aqparat saıası turǵydan kórsetilip berilgen, alaıda, bul qamaýǵa alýdyń D.Vasılevtiń partııadaǵy qyzmetine esh qatysy joq. D.Vasılev shynymen de partııa tóraǵasynyń iri bıznespen jumys jónindegi orynbasary. Ol túrli salada birneshe jobany júzege asyryp júrgen iri kásipker ári ınvestor" delingen habarlamada.
Vasılevtiń shtattan tys jumys isteıtini jáne onyń jumystan tys ýaqytynda nemen aınalysatyny jaıly naqty aqparattyń joqtyǵy aıtyldy.
"Ol partııada qoǵamdyq (shtattan tys) jumys istep, tek uıymdastyrý sharalaryna keletindikten, bizde onyń partııadan tys iskerlik qyzmeti men ustalýynyń mán-jaıy týraly tolyq málimet joq. Joǵaryda atalǵan habarlamalar paıda bolǵan soń, ótken jumada (6.09) partııa tóraǵasy mán-jaıdy túsindirip, D.Vasılevtiń advokatynyń málimetterin berýdi surap, Ulttyq qaýipsizdik komıtetine resmı saýal joldady. Keshe (10.09) onyń ustalý faktisin rastaıtyn jaýap kelip, advokattarynyń málimetteri berildi. Bizdiń zań qyzmetimiz shaǵymdardyń mánin túsiný úshin jaqyn arada olarmen baılanysady (ázirshe, mundaı sharalar jaýapsyz qalyp otyr)" dep qosty partııa baspasózi.
Sondaı-aq, habarlamada Vasılevtiń kinási dáleldenbeıinshe onyń kinásiz sanalatyny, istiń mańyzdy sheshimdi qajet etetini aıtylǵan:
"Quqyq qorǵaý organdarynyń sybaılas jemqorlyqty joıý jónindegi jumysyn túbegeıli qoldaı otyryp, kez kelgen quqyq buzýǵa qarsy kúreste ádildik pen quqyqtyq memleket qaǵıdattaryn basshylyqqa alý mańyzdy dep esepteımiz. Atap aıtqanda, quqyqtyq memlekettiń mańyzdy prınıpiniń biri – kinásizdik prezýmpııasy – tulǵa onyń kinási zańdy kúshine engen sot sheshimimen dáleldenbeıinshe kinásiz sanalady (QR Konstıtýııasynyń 77-baby). Sonymen qatar, ázirshe naqty eshbir aqparat bolmasa da, birqatar faktilerdi túsiný qajet. Mysaly, D. Vasılevke QR QK 367 baby taǵylyp otyr (laýazymdy tulǵaǵa para berý), alaıda, bizge naqty mán-jaılar belgisiz, mysaly, D.Vasılev para alýdyń bastamashysy boldy ma, álde, kerisinshe, tulǵanyń bopsalaý qurbany ma? Bul jaıttyń sheshýshi mańyzy bar, sebebi sol QR QK 367-babyna sáıkes «Para bergen adam, eger oǵan qarsy para bopsalaý oryn alsa, qylmystyq jaýapkershilikten bosatylady». Árıne, qamaýǵa alý faktisiniń ózi tergeý tarapynan D.Vasılevke qatysty mańyzdy talaptyń bar ekenin kórsetedi. Bul rette bıyl kóktemde «Aq jol» frakııasynyń depýtattyq saýalynan keıin, Qaraǵandy oblysyndaǵy AO "Qaztemirtrans" sheneýnikterine birneshe jyl boıy para berýge májbúr bolǵan 15 kásipker aıyptaýǵa qaramastan, Qylmystyq kodekstiń dál osy babynyń negizinde sot zalynda bosatylǵanyn mysal retinde keltirýge bolady (https://t.me/peruash/11056 ). Ózge de bizge belgisiz jaǵdaılar bolýy múmkin, sondyqtan, D.Vasılevke qatysty jaǵdaı advokattarynyń máseleni egjeı-tegjeıli zertteýin talap etedi, olarmen jaqyn arada baılanysamyz dep úmittenemiz. "Aq jol" dempartııasy taǵylyp otyrǵan aıyptaýdyń aýyrlyǵyn eskere otyryp, D.Vasılev isi boıynsha tergeý men sottyń barynsha ashyq bolýyna múddeli. Alaıda, UQK jaýabynda aıtylǵandaı, bul is boıynsha aqparat alýǵa belgili bir shekteý bar" dep túıindeldi partııa habarlamasy.
