Búgin, 2024 jyly 29 mamyrda QR Parlamenti Májilisiniń jalpy otyrysynda Májilis depýtaty, “Aq jol” frakııasy múshesi Qazybek Isa QR Premer-mınıstri Oljas Bektenovke Úkimetten keletin depýtattyq saýaldar jaýaptarynyń jalǵandyǵy men jaltarmasy týraly másele kóterdi.
QR Premer-Mınıstri Oljas Bektenovke
Qurmetti Oljas Abaıuly!
Parlament depýtattary halyqtyń zar-muńymen talaby oryndalýy úshin úkimetke depýtattyq saýaldar joldap jatady. Al úkimetten kelip jatqan jaýaptardyń sapasy qandaı?
Kóptegen jaýaptar shala bolyp, qate keledi. «Men ne deımin, dombyram ne deıdi?» degendeı, keıde múlde burmalanǵan jaýaptar kelip jatady...
Úkimetten kelgen keıbir jaýaptardy oqý úshin aldyn ala qan qysymyńyzdy ólshep, qalypqa túsiretin dári-dármegińizdi daıyndap almasańyz, ózińizge óte qıyn bolady...
Úsh jyl buryn Úkimet basshysy "memlekettik organdarda memlekettik tildiń qoldanylýy 93 paıyz" dep jazǵanda, baqyttan basymyz aınalyp, qulap qala jazdaǵanbyz… "Premerdiń shala jaýabyna tolyq jaýap" dep ekinshi ret saýal joldaǵanbyz.
Jaqynda biz máslıhat depýtattarynyń mártebesin aıqyndaý týraly Úkimet basshysyna depýtattyq saýal jasadyq.
Onda: Konstıtýııada máslıhatty ákimdikke táýelsiz etip, bılik tarmaqtarynyń teńdigin jasaý qajet!»-dep málimdegenbiz.
Al endi jaýaptyń sıqyn kóreıik:
«Máslıhat depýtattaryna jergilikti bıýdjettik komıssııalardyń quramyna kirý quqyǵyn berý usynyldy.»-deıdi bárin birden jarylqap tastaǵan sııaqty...
Al jergilikti bıýdjettik komıssııa qurý onsyz da máslıhat depýtattarynyń quzyretinde bolýy kerek, oǵan ákimderden ruqsat suraýdyń qajeti joq.
Ári qaraı tipti jarylqaýdyń kókesine tap boldyq.
«- Máslıhat taratylǵan jaǵdaıda, depýtattarǵa úsh aıdan asyrmaı aı saıyn járdemaqy tóleýdi kózdeıtin norma usynylady.- degen jaýap kelipti...
Bul Úkimetten kelgen jaýapqa “Atam da ań-tań, men de ań-tań” degendeı, túk túsinbeı jatyrmyz?!.
Biz ózderiniń kóbisi jurtqa jalaqy berip júretin kásiporyndardy basqaratyn máslıhat depýtattaryna “máslıhat taraı qalsa, úsh aılyq jalaqy tóleńder» dep qashan, qaıda surap edik dep, aıran-asyr bolyp otyrmyz...
Al bizdiń saýalymyzdaǵy: «Konstıtýııada máslıhatty ákimdikke táýelsiz etip, bılik tarmaqtarynyń teńdigin jasaý qajet!»-degen eń basty suraǵymyzǵa eshqandaı naqty jaýap joq.
Buryn «osy úkimet, mınıstrler ózderi jazǵan jaýapty oqı ma deıtin edik... Qazir «osy mınıstrler depýtattar joldaǵan saýaldy oqı ma ózi?» deıtin jaǵdaıǵa jettik…
«Aǵymdaǵy jyl» emes, úkimet jazatyndaı, BIYL 13 naýryzda Densaýlyq mınıstrine joldaǵan saýalymyzda medıınalyq saqtandyrý qorynyń tetikteriniń ádiletsizdigin aıtyp, jaqynda jarııalanǵan tólemderdi 5 ese kóterýge qarsy shyqtyq. Erteńinde, Densaýlyq mınıstriniń aldyna túsip alyp shapqan vıe-mınıstri T.Sultanǵazıev, jýrnalısterge bizdiń saýaldyń naqty mánin burmalap, óz sózin dáleldeý úshin, ótirikti soǵyp jiberdi...
Onyń burmalaýy boıynsha, bizdi «tólemderdi kóterýdi usyndy» dep túsinýge bolady. Al biz, kerisinshe, qorǵa tólenetin tólemderdi kóterýge qarsy shyqqan edik...
Vıe-mınıstrdiń «mindetti saqtandyrýdaǵy jeke shottar tek Sıngapýr elinde ǵana bar» dep, jalǵan aqparat taratýy qoǵamda jalǵan pikir týǵyzdy. Al shyn máninde, naryqtyq, ıaǵnı derbes medıınalyq saqtandyrýdy barsha damyǵan memleketter paıdalanýda.
Úkimet basshysyna jasalǵan Energetıkalyq máshıne jasaý jaıly saýalymyzǵa da shala jaýap keldi.
Úkimetten kelgen keıbir jaýaptar qalaı jazylatynyn qaıdam, jarııalaýǵa biz uıalamyz...
Sondyqtan da, usynystarymyz:
1.Úkimet depýtattar saýalynda kóterilgen naqty máselelerdi sheshýi, ulttyq múddemizdi qorǵaıtyn, eldiń jaǵdaıyn jaqsartatyn, halyqtyń máselesin sheshetin nátıjeli sharalar jasaýy tıis!
2. Depýtattyq saýaldarǵa jaltarmaı, burmalamaı, naqty, týra jáne tolyq jaýap berýdi talap etemiz.
Qurmetpen, «Aq jol» frakııasy músheleri
