Bankter aktivterdıŋ 53%-yn (şamamen 18 trillion teŋge) ekonomika men öndırıstı qarjylandyrudan görı baǧaly qaǧaz türınde ūstaudy jön köredı. Būl turaly "Aq jol" QDP töraǧasy Azat Peruaşev Mäjılıstıŋ otyrysynda mälımdep, biylǧy jyldyŋ 1 qyrküiegındegı Qarjy naryǧyn damytu jäne retteu agenttıgınıŋ mälımetterın keltırdı dep habarlaidy "Adyrna" ūlttyq portaly.
"Biznes üşın tüitkıldı mäselenıŋ bırı nesie resurstarynyŋ qol jetımsızdıgı men qymbattyǧy bolyp qaluda. Bız osy künge deiın Ūlttyq Banktıŋ bazalyq mölşerlemesın tömendetu, ekınşı deŋgeilı bankterdıŋ paiyzyn tömendetu jäne biznestı qoljetımdı qarjylandyru qajettılıgın talap etıp kelemız, – dedı demokrattar fraksiiasynyŋ jetekşısı. — Bızdıŋ fraksiia deputattary bazalyq mölşerlemenıŋ köterıluı Qazaqstannyŋ öz öndırısınıŋ tiımsızdıgıne, importqa täueldılıkke jäne infliasiialyq prosesterdıŋ ūlǧaiuyna alyp keletının talai märte aitqan edı, osy jaǧdaidy bız bügınde baiqap otyrmyz. Jauap retınde bızge depozitter ielerınıŋ müddelerıne qysym jasalǧany turaly mälımdeude. Bıraq şyn mänınde, bügınde bankter naryqtan tüsken qarajatqa emes, memlekettık aqşaǧa nemese kvazimemlekettık käsıporyndardyŋ qarajatyna bilık etedı".
A.Peruaşevtyŋ aituynşa, joǧary paiyzdardyŋ saldarynan nesie boiynşa qaryz somasy aqylǧa qonymdy mölşerden asyp ketıp, käsıporyndardy reiderlık basyp aluǧa äkeledı, al nätijesınde otbasylar balalarymen bırge jalǧyz baspanalarynan quylyp jatady.Sonymen qatar, käsıpkerler arasynda qaryz aluşylardyŋ tölem qabılettılıgıne nūqsan kelude. Bügınde bankter ekonomikanyŋ naqty sektoryn kreditteuden görı, importty kredittep, infliasiiany ılgerılete otyryp, tūtynuşylyq kreditterge köşuı kezdeisoq emes. Öitkenı, elde auyrtpalyqsyz mülkı bar jäne qaryzdy öteude problemalary joq biznes künnen-künge azaiyp jatyr.
Mäjılıp deputatynyŋ pıkırınşe, qarjy naryǧyn retteu agenttıgınıŋ derekterı boiynşa, biylǧy jyldyŋ 1 qyrküiegındegı jaǧdai boiynşa zaŋdy tūlǧalarǧa, iaǧni ekonomikaǧa kreditterge 20,6 % (nemese 7,2 trln teŋge) baǧyttaldy, jeke tūlǧalarǧa berıletın kreditterge - 26,3% (9,2 trln tg) al bank aktivterınıŋ 53%-y baǧaly qaǧazdar türınde ornalastyrylǧan jäne ekonomikaǧa jūmys ıstemeidı."Mıne, Ūlttyq bank saiasatynyŋ nätijesı, bankterge ekonomika men öndırıstı qarjylandyrudan görı aktivterdıŋ jartysynan köbın qalypty deŋgeide ūstau tiımdırek bolady", - dedı A. Peruaşev.
"Adyrna" ūlttyq portaly.
Ūqsas jaŋalyqtar
