«Aq jol» partiiasynyŋ basşysy Azat Peruaşev deputat Asqar Sadyqovty partiiadan şyǧaruǧa qatysty maŋyzdy mälımdeme jasady. Būl turaly ol Azat Telegram kanalynda jazba jariialady, dep habarlaidy “Adyrna” ūlttyq portaly.
Azat Peruaşevtıŋ aituynşa, Asqar Sadyqovqa qatysty bırqatar şaǧym tüsken.
Foto: äleumettık jelıden
«Asqar Sadyqovtyŋ partiiadan şyǧarylǧany jönınde jurnalisterdıŋ tolassyz sūraqtaryna tüsınıkteme bere keteiın. Partiiamyzdyŋ atyna A.Sadyqovqa qatysty bırqatar şaǧymdar tüstı, onda aitylǧan jäittar plenumda qaralyp, tiıstı şeşım şyǧaryldy. Şaǧymdardyŋ denı onyŋ terıs ıs-äreketterıne, atap aitqanda, ökılettıgın asyra paidalanu men etikalyq normalardy būzuyna bailanysty boldy. Şaǧymdardyŋ ärqaisysy boiynşa jeke-jeke faktıler keltıruge bolatyn bolsa da, bır ǧana mysaldy atap ötu jetkılıktı dep oilaimyn. Mäselen, parlamentte (partiiada emes) jūmys ısteitın bır äiel adam A.Sadyqovtyŋ bırneşe ret ūiatsyz ūsynystar jasap, qysym körsetkenı turaly aityp aryzdandy. Ol özınıŋ sözıne dälel retınde vatsabyna A.Sadyqovtan kelıp tüsken habarlamalardyŋ skrinın körsettı (etikalyq sebepterge bailanysty onyŋ bopsalauyna tap bolǧan atalǧan jäbırlenuşınıŋ esımı jasyrylǧan)», - dep jazdy Peruaşev.
«Plenum barysynda osyndai äşkere bolǧan zaŋsyz äreketterge jol berılmeitındıgı turaly eskertuıme jauap retınde A.Sadyqov «özınıŋ deputat ekenın jäne kımge ne qalasa sony aituǧa qūqyly ekendıgın» aitty. Sondyqtan, bız būl kedergını alyp tastadyq, al, A.Sadyqovty deputattyq märtebesınen aiyru turaly qabyldanǧan şeşım jäbırlenuşıge ar-namysy men qadır-qasietın qorǧauǧa mümkındık beredı. Onyŋ laiyqsyz mınez-qūlqynyŋ basqa da faktılerı bar, sonyŋ negızınde osyndai şeşım qabyldandy. Olardyŋ keibıreulerı qūqyq qorǧau organdarynyŋ da nazaryn audaruy mümkın, ondai jaǧdaida qajettı kömek körsetuge daiynbyz. Körıp otyrǧandaryŋyzdai, öte las jaǧdai oryn alǧan. Bıreudıŋ habarlamalaryn oqyp, ony jariialauǧa eş qūlqym joq edı. Alaida, bızdıŋ ünsızdıgımızdı bıreuler basqaşa tüsıngen siiaqty, sūhbattyŋ bırınde özın 1937 jylǧy repressiialar qūrbandarymen salystyryp, "şyndyq" üşın jazym bolǧandai qylyp jetkızgen A. Sadyqov ta soǧan sebepşı. Būl "şyndyqtyŋ" da şynaiy bet jüzın körsetuge mäjbürmız, odan basqa da epizodtar men qūjattar jeterlık. Plenum naqty faktılerge süiene otyryp A. Sadyqovty partiiadan şyǧaru turaly şeşım qabyldady. Sonyŋ ışınde, būl jaǧdailardyŋ (bırneşeu) odan da qauıptı saldary bolmas üşın. Özge adamdardyŋ ar-namysy men jeke ömırıne qatysty bolǧasyn būl jaǧdaidy köpşılık aldyna şyǧaru maǧan öte jiırkenıştı bolsa da, osy mäsele töŋıregındegı dau-damai men alyp-qaşpa äŋgımelerdıŋ nüktesın qoiuǧa mäjbürmın», - dep jazdy Azat Peruaşev.
Aita ketsek, «Aq jol» Qazaqstannyŋ demokratiialyq partiiasy» qoǧamdyq bırlestıgı Ūlttyq keŋesınıŋ 2024 jylǧy 1 şıldedegı №1 qaulycynyŋ qabyldanuyna bailanysty Asqar Sadyqov Parlament Mäjılısınıŋ deputaty ökılettıgın joǧaltty dep tanylǧan.
Ūqsas jaŋalyqtar
