Áleýmettik jelide Tomırıs patshaıymnyń kıimin kıip, mektepke barǵan emshiniń vıdeosy taraǵan. Beınejazbada emshiniń Jambyl oblysy Turar Rysqulov aýdany Tereńózek aýylynyń ortasynda urandap kele jatqany kórsetilgen, dep habarlaıdy “Adyrna” ulttyq portaly.
BAQ-qa taraǵan aqparatqa súıensek, emshi, “Tomırıs” esimimen tanymal balger Gúlsara Sýazqyzynyń mektepke kelip ketkennen keıin daý týyndaǵan. Jergilikti turǵyndar muǵalimderden jınalǵan aqshamen oǵan qurmet kórsetip, kútip alǵan.
Turaninfo.kz aqparat kóziniń jýrnalısteri Tereńózek aýyldyq okrýginiń ákimi Qanat Smatqa qońyraý shalyp, jaýap alǵan.
“Ol qonaqtardy kútip alý, jatar orynǵa jaıǵastyrý, dastarhan shyǵyndaryna aýdan ákimdiginiń de, bizdiń de esh qatysymyz joq” dep jaýap bergen ákim.
Gúlsara Sýazqyzy bastapqyda mektep dırektory Zákimbaeva Elmıraǵa habarlasyp, aýyl turǵyndarymen qatar, mektep oqýshylarymen kezdeskisi keletinin jetkizgen.
29 tamyz kúni Tomırıske mektep tarapynan «Týǵan jerge taǵzym» — «Mektepke jol!» respýblıkalyq qaıyrymdylyq akııalary aıasynda is-shara uıymdastyrylǵan. Mektep basshylyǵy jýrnalısterge ustazdardan emshini kútip alý úshin aqsha jınalǵanyn rastaǵan.
Gúlsara Sýazqyzy ózin QR densaýlyq saqtaý salasynyń úzdigi, medıına ǵylymdarynyń doktory, professor, Mıshel Nostradamýs atyndaǵy Proskopııa ǵylymdarynyń akademıgi dep tanystyrǵan.
