Memleket basshysy Qasym-Jomart Toqaev Jambyl oblysy Otar aýylyndaǵy áskerı bólimde merzimdi qyzmetin ótep jatqan sarbazdyń komaǵa túsýine qatysty anasynyń áleýmettik jelilerde jarııalaǵan úndeýimen tanysyp, kináli adamdardy jazalaýdy talap etti. Bul týraly Prezıdenttiń Baspasóz hatshysy Berik Ýálı málimdedi, dep habarlaıdy “Adyrna” ulttyq portaly.
«Memleket basshysy bolǵan oqıǵanyń mán-jaıyn muqııat zerttep, kináli adamdardy jazalaýdy talap etti. Prezıdent Qorǵanys mınıstrine armııada mundaı jaǵdaıǵa jol bermeý qajet ekenin eskertip, tergeý amaldaryn baqylaýǵa alýdy tapsyrdy», - dep jazdy ol.
Aıta keteıik, Jambyl oblysy Qordaı aýdany Otar aýylyndaǵy №30212 áskerı bóliminde Otan aldyndaǵy boryshyn óteýge barǵan 19 jastaǵy sarbaz Nurjigit Ábdilpattanyń jansaqtaý bóliminde jatqanyn alǵash bolyp “Adyrna” ulttyq portalyna sarbazdyń anasy málimdegen edi.
Anasynyń aıtýynsha, ulynyń kishi serjant urǵan bolýy múmkin. Al áskerıler Nurjigitke «eshkim tıispegenin» aıtqan. Keıin Nurjigittiń ákesi vıdeo jarııalap, mán-jaıdy túsindirgen bolatyn.
