Prezident Qasym-Jomart Toqaev Ükımetke Astanada Qazaqstan–Qytai jasandy intellekt mektebın aşu mäselesın pysyqtaudy tapsyrdy, dep habarlaidy «Adyrna» tılşısı.
Memleket basşysynyŋ aituynşa, orta bılım men joǧary bılım arasynda sabaqtastyq boluy qajet.
«Jaŋa formasiia mamandaryn daiarlaudy orta bılımnen bölıp qarauǧa bolmaidy. Tömennen joǧary qarai bırtūtas jüie bolǧany jön. Osy oraida, 18 jasqa tolǧan jasöspırımderdıŋ mektep partasynda otyrǧany qanşalyqty dūrys degen oryndy saual tuady. Ädette Nazarbaev ziiatkerlık mektepterınde jäne jekemenşık bılım oşaqtarynda solai qalyptasqan. Qazırgı balalar fiziologiialyq tūrǧydan tez jetıletının eskersek, būl qanşalyqty aqylǧa qonymdy?»– dedı ol bügın Tamyz konferensiiasynda.
Qasym-Jomart Toqaev qyrküiek aiynda Jasandy intellekt universitetı aşylatynyn eske salyp, būl baǧyttaǧy jūmystardy odan ärı küşeitu qajettıgın aitty.
«Konstitusiiamyzda jalpyǧa bırdei bılım beru standarty belgılengen. Mūny mındettı türde eskeru kerek.
Qyrküiekte Jasandy intellekt universitetı aşylady. Bıraq būl jetkılıksız dep oilaimyn. Ükımet Qytaidyŋ jaŋa tehnologiialardy meŋgerudegı jetıstıgı men täjıribesın eskere otyryp, Astanada Qazaqstan-Qytai jasandy intellekt mektebın aşu mäselesın pysyqtaǧany jön»,– dep tolyqtyrdy prezident.
