Zaŋsyz lotereia qyzmetı men internet-kazinoǧa qarsy küreste 6 639 resurs būǧattaldy. Būl turaly Turizm jäne sport ministrlıgı mälımdedı, dep habarlaidy “Adyrna” ūlttyq portaly.
Mälımet boiynşa, vedomstvo zaŋsyz lotereia qyzmetın anyqtau jäne tosqauyl qoiu boiynşa belsendı jūmysty jalǧastyryp jatyr. Biyl jyl basynan berı zaŋsyz lotereia ūiymdastyratyndarǧa qatysty 103 äkımşılık hattama toltyryldy. Sot talqylauy nätijesınde 48 jeke tūlǧa jauapqa tartylyp, qalǧan ısterdı qarau jalǧasyp jatyr.
Zaŋsyz internet-kazinolarmen jäne bukmekerlık keŋselermen küres aiasynda türlı vedomstvolar Bas prokuraturamen, Qarjy monitoringı agenttıgımen jäne Işkı ıster ministrlıgımen bırlesıp, zaŋsyz qyzmet belgılerı bar 11 417 internet-resursty anyqtady. Onyŋ ışınde 6 639 resurs būǧattaldy, 1 237-sı öŋdeu satysynda, 1 961-ı qoljetımsız, 1 353 resursta qūqyq būzuşylyq belgılerı joq, al 227-sın Memlekettık tehnikalyq qyzmet pilottyq rejimde būǧattady.
Turizm jäne sport ministrlıgı azamattardyŋ qūqyqtaryn qorǧap, onlain-qyzmetter naryǧynda tärtıptı qamtamasyz etıp, sondai-aq atalǧan saladaǧy zaŋsyz qyzmetterdıŋ monitoringı men tosqauyl qoiu baǧytynda jūmysyn jalǧastyrady.
Ūqsas jaŋalyqtar
