Reseı bıliginiń saıasatyn ashyq qoldaıtynyn aıtqan “Aq jol” partııasynyń burynǵy depýtaty Azamat Ábildaev Reseı bıliginiń shashbaýyn kótergen “Solovev Live” arnasynyń tikeleı efırinde qazaq bıligin sóz etip, botadaı bozdady. Qazaqqa ókpesi qara qazandaı azamattyń aıtýynsha partııany ultshylar basyp alǵan, dep habarlaıdy “Adyrna” ulttyq portaly.
“Bir urty - maı, bir urty - qan” bolǵan burynǵy depýtatqa qazaqtyń qazaqty súıýi jaqpaı qalǵan sııaqty. Qyzmetten ketip, qarjydan qaǵylǵany úshin qazaq ustanymyna shaǵym aıtyp, depýtat Reseı arnasynda “botadaı bozdady”.
Bul jaıly “Maitanov_online” telegram arnasynda jazyldy. Avtor bul jaıtqa qatysty:
Kórip otyrǵanymyzdaı bul satqyn táýbesine kelmegen. Ózin Qazaq elindegi orysqa qarsy júrgizilip jatqan jalań qubylystyń qurban retinde kórsetip, saıası saıqaldyqqa bastap otyr. Kúni erteń satqynnyń “Pýtın, áskerińdi munda ákel” dep aıǵaılaıtynyna kúmánim joq, - dep jazdy avtor.
Azamat Ábildaevtyń bul qylyǵyna qatysty ǵalym Gúlshat Baqytjan da tómendegideı pikir bildirdi:
- Otbasy bolǵan soń shyny-aıaq shyldyrlamaı turmaıdy ǵoı. Baıaǵyda, alǵashqy jyldary mamama jylaı beretinmin ár usaq-túıekke. Úshinshi retten soń uıala bastadym ózimniń týǵan mamamnan. Aqymaq balalyqtan ketip, ózimdi shyn, jeke otbasym bar eresek adam retinde sezingen shyǵarmyn.
Biraq, keıbir "er adamdar" bolady eken, tipti olar bildeı bir táýelsiz memlekettiń zań shyǵarýshy organynda otyrsa da, ózderinde, osydan 15 jyl burynǵy men qurly mı joq pa dep qaldym... Shyn aıtam, - dep jazdy ǵalym.
View this post on Instagram
Eske túsire otyraıyq, burynǵy depýtat Reseı bıliginiń qantógiske toly urys saıasatyn “arnaıy operaııa” dep baǵalap, basy daýǵa qalǵan edi. Onyń qazaqshyl emes, orysshyl múddesine qatysty etıkalyq keńes uıymdastyrylyp, sońynda Azamat Ábildaev partııa qatarynan shyǵarylǵan edi.
“Adyrna” ulttyq portaly
