Prezident Qasym-Jomart Toqaev Qazaqstan Joldauynda Ükımet soŋǧy 15 jyl boiy äleumettık salada alaiaqtyqqa jol berıp kelgenın aitty, dep habarlaidy "Adyrna" ūlttyq portaly Aqordaǧa sılteme jasap.
Memleket basşysy būrynǧy KSRO aumaǧyndaǧy jäne odan tys aimaqtardaǧy qaqtyǧystarǧa qatysqan azamattarǧa arnaiy tölemder men medisinalyq qyzmet körsetılıp otyrǧanyn atap öttı.
Alaida ol äleumettık jeŋıldıkterdıŋ qoldan köbeitıluı memleket qarjysyn tiımsız jūmsauǧa äkelıp soǧatynyn eskerttı.
«Būl qarajat eldı damytuǧa, iaǧni mektep, auruhana, kölık infraqūrylymdary siiaqty maŋyzdy nysandardy saluǧa baǧyttaluy tiıs», – dedı Toqaev.
Prezident mysal retınde kezınde «äleumettık janaşyrlar» oilap tapqan tolyq emes otbasyǧa berıletın jeŋıldıktı keltırdı. Onyŋ aituynşa, osy jeŋıldık ajyrasqan otbasylar sanynyŋ kürt ösuıne sebep boldy.
«Bır kezde būl körsetkış boiynşa älemde köş bastaǧan elderdıŋ qataryna qosyldyq», – dedı ol.
Sonymen qatar, Toqaev maqsatsyz tölemderdıŋ jalqaulyq pen masyldyqty küşeitıp otyrǧanyn synǧa aldy.
"Turasyn aitsaq, äleumettık salada oŋtaily şeşım qabyldaudyŋ ornyna, Ükımet kemınde 15 jyl boiy äleumettık masyldyq pen äleumettık alaiaqtyqqa jol berıp keldı" - dedı Memleket basşysy.
