Pavlodar oblysynda 10 jastaǧy qyz balany zorlaǧan bapkerge qatysty balalar qūqyǧy jönındegı uäkıl pıkır bıldırdı, dep habarlaidy "Adyrna" ūlttyq portaly.
Bügın futbol klubynyŋ bapkerı qyzdy zorlady degen aqparat taraǧan bolatyn. Balalar ombudsmenı Säule Şäkenova jäbırlenuşınıŋ anasyna habarlasyp, balanyŋ jaǧdaiyn sūraǧan.
"Polisiia qyzmetkerlerınıŋ äreketı qūrmetke laiyq, qyzdyŋ anasy riza. Poliseiler jedel ärı sauatty, mümkındıgınşe dūrys äreket ettı deidı . Men öz tarapymnan anasyna 10 jasar qyzynyŋ qoryqpai, bärın aityp, sol arqyly bır emes, bırneşe balany aman alyp qalǧan qylyǧyna taŋdanysymdy bıldırdım! Men üşın būl – erlık! Mūndai batyrlyq kez kelgen eresek adamnyŋ qolynan kele bermeidı! Sondai-aq köpbalaly anaǧa qyzyna bergen tärbiesı üşın alǧys aittym. Öitkenı ata-ana özderıne degen senım deŋgeiın qalyptastyrǧan, sonyŋ arqasynda balalar otbasynda özın qauıpsız sezınedı", – dedı Pavlodar oblysynyŋ balalar qūqyǧy jönındegı uäkılı Säule Şäkenova.Sot saraptamasy qyz ben er adamnyŋ arasynda tıkelei jynystyq qatynas bolmaǧanyn körsetken. Alaida bapker kämeletke tolmaǧan qyzǧa tiısıp, özınıŋ äuret jerlerın ūstatqan. Qyzdy qonaqüige aparyp, sodan keiın üiıne aparyp tastaǧany aityluda. Qazır er adam qamauǧa alyndy.
Ūqsas jaŋalyqtar
