پاۆلودار وبلىسىندا 10 جاستاعى قىز بالانى زورلاعان باپكەرگە قاتىستى بالالار قۇقىعى جونىندەگى ۋاكىل پىكىر ءبىلدىردى، دەپ حابارلايدى "ادىرنا" ۇلتتىق پورتالى.
بۇگىن فۋتبول كلۋبىنىڭ باپكەرى قىزدى زورلادى دەگەن اقپارات تاراعان بولاتىن. بالالار ومبۋدسمەنى ساۋلە شاكەنوۆا جابىرلەنۋشىنىڭ اناسىنا حابارلاسىپ، بالانىڭ جاعدايىن سۇراعان.
"پوليتسيا قىزمەتكەرلەرىنىڭ ارەكەتى قۇرمەتكە لايىق، قىزدىڭ اناسى ريزا. پوليتسەيلەر جەدەل ءارى ساۋاتتى، مۇمكىندىگىنشە دۇرىس ارەكەت ەتتى دەيدى . مەن ءوز تاراپىمنان اناسىنا 10 جاسار قىزىنىڭ قورىقپاي، ءبارىن ايتىپ، سول ارقىلى ءبىر ەمەس، بىرنەشە بالانى امان الىپ قالعان قىلىعىنا تاڭدانىسىمدى ءبىلدىردىم! مەن ءۇشىن بۇل – ەرلىك! مۇنداي باتىرلىق كەز كەلگەن ەرەسەك ادامنىڭ قولىنان كەلە بەرمەيدى! سونداي-اق كوپبالالى اناعا قىزىنا بەرگەن تاربيەسى ءۇشىن العىس ايتتىم. ويتكەنى اتا-انا وزدەرىنە دەگەن سەنىم دەڭگەيىن قالىپتاستىرعان، سونىڭ ارقاسىندا بالالار وتباسىندا ءوزىن قاۋىپسىز سەزىنەدى", – دەدى پاۆلودار وبلىسىنىڭ بالالار قۇقىعى جونىندەگى ۋاكىلى ساۋلە شاكەنوۆا.
سوت ساراپتاماسى قىز بەن ەر ادامنىڭ اراسىندا تىكەلەي جىنىستىق قاتىناس بولماعانىن كورسەتكەن. الايدا باپكەر كامەلەتكە تولماعان قىزعا ءتيىسىپ، ءوزىنىڭ اۋرەت جەرلەرىن ۇستاتقان. قىزدى قوناقۇيگە اپارىپ، سودان كەيىن ۇيىنە اپارىپ تاستاعانى ايتىلۋدا.
قازىر ەر ادام قاماۋعا الىندى.
