Túrkııadan Qazaqstanǵa Dúnıejúzilik kóshpendiler oıyndaryna kele jatqan otbasy Aqtaýǵa jetti, dep habarlaıdy “Adyrna” ulttyq portaly.
Ankara qalasynan Astanaǵa arnaıy bara jatqan túrik saıahatshylary shaǵyn avtobýspen jolǵa shyqqan.
Idıl men Býrak esimdi erli-zaıypty eki jastaǵy ulymen birge Túrkııadan 12-tamyz kúni attansa, búgin Aqtaýdyń qonaqjaılylyǵy men tabıǵatyna tamsanyp, sapardy jalǵastyrdy.
“Dúnıejúzilik kóshpendiler oıyndarynyń turaqty jankúıerimiz. Bıylǵy oıyn baýyrlas qazaq elinde ótetinin estip qýandyq. Kelip qatysýǵa Qazaqstan týrızm mınıstrliginen ruqsat aldyq. Shaǵyn avtobýs satyp alyp, ishin alys jolǵa jaıly etip jabdyqtadyq. Kóligimizdiń ataýyn jaqsy yrymǵa balap «Kóshpendi» dep qoıdyq. Búgin atajurtymyzda qonaqasy jegen soń, Astanaǵa qaraı shyǵamyz. Saparymyzdyń kóńildi ári este qalarlyqtaı ótip jatqanyna qýanyp kelemiz”, - deıdi saıahatshy Býrak Dýran.
Túrik otbasy Aqtaýǵa Bakýden kememen jetken. 31 tamyz kúni túnde Aqtaý teńiz portyna tústi. Baýyrlas ult ókilderi qaladaǵy qonaqúılerdiń birinde tynyqqan.
Oıyndy tamashalaýǵa kelgen jıhankezder qazaq jerinde kórsetilgen syı-qurmetke rıza bolǵandaryn jetkizdi.
Aıta keteıik, túrik otbasy Astanaǵa deıin 5400 shaqyrym jol júredi. Anyǵyn aıtqanda, Túrkııadan Grýzııaǵa, keıin Reseıge ótip, Tatarstan arqyly Qazaqstanǵa jetpek.
