Türkiiadan Qazaqstanǧa Düniejüzılık köşpendıler oiyndaryna kele jatqan otbasy Aqtauǧa jettı, dep habarlaidy “Adyrna” ūlttyq portaly.
Ankara qalasynan Astanaǧa arnaiy bara jatqan türık saiahatşylary şaǧyn avtobuspen jolǧa şyqqan.
İdil men Burak esımdı erlı-zaiypty ekı jastaǧy ūlymen bırge Türkiiadan 12-tamyz künı attansa, bügın Aqtaudyŋ qonaqjailylyǧy men tabiǧatyna tamsanyp, sapardy jalǧastyrdy.
“Düniejüzılık köşpendıler oiyndarynyŋ tūraqty janküierımız. Biylǧy oiyn bauyrlas qazaq elınde ötetının estıp quandyq. Kelıp qatysuǧa Qazaqstan turizm ministrlıgınen rūqsat aldyq. Şaǧyn avtobus satyp alyp, ışın alys jolǧa jaily etıp jabdyqtadyq. Kölıgımızdıŋ atauyn jaqsy yrymǧa balap «Köşpendı»
dep qoidyq. Bügın atajūrtymyzda qonaqasy jegen soŋ, Astanaǧa qarai şyǧamyz. Saparymyzdyŋ köŋıldı ärı este qalarlyqtai ötıp jatqanyna quanyp kelemız”, - deidı saiahatşy Burak Duran.
Türık otbasy Aqtauǧa Bakuden kememen jetken. 31 tamyz künı tünde Aqtau teŋız portyna tüstı. Bauyrlas ūlt ökılderı qaladaǧy qonaqüilerdıŋ bırınde tynyqqan.
Oiyndy tamaşalauǧa kelgen jihankezder qazaq jerınde körsetılgen syi-qūrmetke riza bolǧandaryn jetkızdı.
Aita keteiık, türık otbasy Astanaǧa deiın 5400 şaqyrym jol jüredı. Anyǧyn aitqanda, Türkiiadan Gruziiaǧa, keiın Reseige ötıp, Tatarstan arqyly Qazaqstanǧa jetpek.
Ūqsas jaŋalyqtar
