Abai oblysynda jaŋa oqu jylynda auyldyq mektepter zamanaui talaptarǧa sai jaŋǧyrtyldy, dep habarlaidy “Adyrna” ūlttyq portaly.
«Qazaqstan halqyna» qory, Bılım beru salasyn tūraqty damytu qory jäne Nazarbaev Ziiatkerlık mektepterınıŋ bırlesken «Auyldyq aimaqtardaǧy tırek mektepterdıŋ äleuetın arttyru» jobasy şeŋberınde Abai, Besqaraǧai, Kökpektı jäne Boroduliha audandarynyŋ mektepterı ülken qoldauǧa ie boldy. Är audannyŋ bır mektebıne 250 million teŋgeden bölınıp, olardyŋ materialdyq-tehnikalyq bazasy tolyq jaŋartyldy. Jobanyŋ jalpy qūnyn 1 milliard teŋge qūraidy.
Jobanyŋ maqsaty - auyl men qala mektepterı arasyndaǧy bılım sapasyndaǧy teŋsızdıktı joiuǧa järdemdesu.
Boroduliha audany Ä.Bökeihanov atyndaǧy qazaq mektebınde 33 jaŋa kabinet paidalanuǧa berıldı. Abai audany Jalpy bılım beretın Qarauyl gimnaziiasynda 26 kabinet jaŋǧyrtyldy. Besqaraǧai audany Q.Rysqūlbekov atyndaǧy orta mektebınde 35 kabinet qaita jabdyqtalyp, mekteptıŋ akt zaly, sportzal men ashanasy jaŋartyldy. Kökpektı audany J. Şaijünısov atyndaǧy orta mektebınde 27 jaŋa kabinet oquşylardyŋ igılıgıne berıldı.
Är audandaǧy mektepterde mektepaldy daiarlyq synyptarynan bastap, bastauyş, orta jäne joǧary synyptar üşın arnaiy jabdyqtalǧan fizika, himiia, biologiia, informatika kabinetterı, qyzdar men ūldarǧa arnalǧan tehnologiia kabinetterı, sonymen qatar robototehnika, ART-studiia, STEM-zerthana, Intellectum kabinetı, muzyka jäne telestudiia kabinetterı aşyldy.
2022 jyldan berı joba aiasynda auyldyq mektepter zamanaui talapqa säikes jabdyqtalyp keledı. Būǧan deiın qaiyrymdylyq jobasyna Aiagöz, Aqsuat, Jarma audandarynan üş mektep kırgen.
Anyqtama üşın: Abai oblysynda barlyǧy 309 mektep bar, onyŋ ışınde 302- memlekettık,7 - jekemenşık. Qalalyq jerlerde 75, auyldyq jerlerde 227 mektep ornalasqan, onyŋ ışınde 154 şaǧyn jinaqty mektep bar.
Ūqsas jaŋalyqtar
