Jaŋa oqu jyly bastalǧaly Qazaqstan öŋırlerınde 130 myŋ oquşy ornyna arnalǧan 86 mektep aşyldy, dep habarlaidy «Adyrna» ūlttyq portaly.
Memleket basşysynyŋ bastamasymen jüzege asyrylǧan «Jaily mektep» ūlttyq jobasy aiasynda 74,8 myŋ oquşyǧa arnalǧan 27 mektep aşyldy.
Joba aiasynda bılım beru ortasynyŋ funksionaldyǧy men qauıpsızdıgıne erekşe köŋıl bölındı. Bastauyş jäne joǧary synyp oquşylaryna arnalǧan jeke bloktar qarastyrylǧan. Sondai-aq, zamanaui tehnikalyq qūraldar arqyly qauıpsızdık şaralaryn küşeitıp, erekşe bılım beru qajettılıgı bar balalarǧa qolaily orta jasau jäne mektepterdı zamanaui pändık kabinettermen jabdyqtau talaptary qoiylǧan, deidı QR Oqu-aǧartu ministrlıgınıŋ baspasöz qyzmetı.
Aita keteiık, «Jaily mektep» ūlttyq jobasy aiasynda 2025 jyldyŋ soŋyna deiın 217 zamanaui formattaǧy mekteptı paidalanuǧa beru josparlanǧan. Bılım beru infraqūrylymyn qoldau qory arqyly 18 mektep, al qalǧan 41 mektep respublikalyq jäne jergılıktı biudjetter, sondai-aq investisiialar esebınen aşyldy.
