Prezıdent Qasym-Jomart Toqaev 2022 jyly halyqqa arnaǵan Joldaýynda sapaly bilim alý úshin zamanaýı jaǵdaılar jasaýǵa baǵyttalǵan «Jaıly mektep» baǵdarlamasy týraly bastama kóterdi. Abaı oblysynda 2025 jyldyń sońyna deıin 2700 oqýshyǵa arnalǵan tórt jańa mektep ashylady. Sonymen qatar, bıyl taǵy bir mekteptiń qurylysyn bastaý josparlanýda.
«Jaıly mektep» jobasy - turǵylyqty jerine qaramastan elimizdiń barlyq balalary úshin teń múmkindikterdi qamtamasyz etýge baǵyttalǵan. Jańa mektepterde tek tehnıkalyq jabdyqtaýǵa ǵana emes, oqýshylardyń shyǵarmashylyq jáne ıntellektýaldyq qabiletterin damytýǵa yqpal etetin orta qurýǵa da basa nazar aýdarylady. Erekshe bilim berý qajettilikteri bar balalar úshin jeke sanıtarlyq bólmeleri bar keń kabınetter qarastyrylǵan. Jedelsatylar, pandýstar jáne arnaıy baǵyttaýshy belgiler ornatylǵan. Ár mektepte psıholog, logoped jáne defektologtar jumys isteıdi. Jańa mektepterdiń basty erekshelikteriniń biri - jumsaq jıhazdarmen, kitaptarmen, mýzykalyq aspaptarmen jáne ústel oıyndarymen jabdyqtalǵan oqýshylar men oqytýshylar úshin demalys oryndarynyń bolýy. Sonymen qatar, bilim berý mekemeleri balalardyń qaýipsizdigine kepildik beretin zamanaýı beınebaqylaý júıelerimen jabdyqtalǵan.
2024 jyly Semeıde 1200 oryndyq IT-mektep-lıeıi salyndy. Bul qaladaǵy oqýshy orny tapshylyǵyn edáýir qysqartýǵa múmkindik berdi. Mektep zamanaýı bilim berý standarttaryna sáıkes keledi jáne jańa tehnologııalarmen jabdyqtalǵan. Úsh qabatty ǵımaratta fızıka, hımııa, bıologııa, ınformatıka kabınetteri, mýltımedııalyq synyptar, grafıka jáne modeldeý kabıneti, sondaı-aq zerthanalar, telestýdııa, smart-synyptar, 3D-prınterler men robototehnıka kabınetteri qarastyrylǵan. Mektepte 280 oryndyq akt zaly jáne 420 oryndyq ashana bar.
«Tórt bilim berý mekemesi kúrdeli jóndeýden ótip, robototehnıka, hımııa, bıologııa, fızıka jáne STEM-baǵyttary pánderi boıynsha 56 zamanaýı pándik kabınettermen jabdyqtalǵan. Pedagogtardyń biliktiligin arttyrý da mańyzdy qadam boldy. 5 300-den astam muǵalim tegin biliktilikti arttyrý kýrstarynan ótti. Búgingi tańda Abaı oblysynda orta bilim berý uıymdarynyń 38% - aýdandyq jáne aýyldyq mektepter quraıdy. Olardyń 86-sy jańǵyrtylǵan», - dedi oblys ákiminiń orynbasary Jasulan Sársebaev.
Joba qazaqstandyq óndirýshilerdi qoldaýǵa da yqpal etedi. Jańa mektepterge arnalǵan barlyq jıhazdardy otandyq kásiporyndar jetkizedi, bul ulttyq ekonomıkany nyǵaıtyp qana qoımaı, jańa jumys oryndaryn ashady.
Elimizdiń barlyq óńirlerinde jańa bilim berý nysandarynyń qurylysynyń arqasynda qosymsha jumys oryndary qurylýda. 2024 jyldan bastap jańa salynǵan mektepterde (Semeı qalasynyń IT-mektep-lıeıi) 184 pedagog jumyspen qamtamasyz etildi.
