Qaraǵandydaǵy zaýytta bolǵan apattyń sebebi anyqtaldy, dep habarlaıdy “Adyrna” ulttyq portaly ktk.kz-ke siltep.
Ferroqorytý zaýytyndaǵy apat tórt adamnyń ómirin jalmaǵan bolatyn. Shilde aıynda bolǵan apattyń sebepterin zerttegen arnaıy komıssııa kináli jumys berýshi dep tapty.
Ferroqorytý zaýytyndaǵy apat 20 shilde kúni oryn aldy.
Zaýyttaǵy peshten kenetten atqylaǵan ystyq jalyn segiz adamdy sharpydy. Onyń tórteýi qaza taýyp, denesin kúıik shalǵandarǵa shuǵyl kómek kórsetildi. Eki jumysshy bir aıdan beri aýrýhanada jatyr.
“Kásiporynda jaraqat alý faktorlaryn boldyrmaý úshin shuǵyl sharalar tıisti deńgeıde qabyldanbaǵan. Qaýipsiz eńbek jaǵdaıy men qyzmetkerlerdiń erejelerdi, nusqaýlyqtardy jáne tehnologııalyq tártipti saqtaýyn baqylaýdy tıisti dárejede istemegen”, - dedi QR Eńbek jáne áleýmettik qorǵaý komıtetiniń tóraǵasy Tólegen Ospanqulov.
