Temirtaýdaǵy Qarmet metallýrgııalyq zaýytynda merdiger uıymnyń eki qyzmetkeri qaza tapty, - dep habarlaıdy "Adyrna" ulttyq portaly.
Kompanııanyń habarlaýynsha, 25 tamyzda Temirtaýdaǵy "Qarmet" AQ nysanynda LP-2 (№2 lıstoprokat ehy) qaıǵyly oqıǵa oryn bolǵan. Tańǵy saǵat 9:20 shamasynda hımııalyq ustaý blogy (HUB) ǵımaratynyń shatyryn bólshekteý jumystaryn oryndaý kezinde tehnıka qaýipsizdigi erejelerin saqtamaý saldarynan "Qazmehanomontaj" JShS merdigerlik uıymynyń eki jumysshysy bıikten qulap ketken.
Eki jumysshy oqıǵa ornynda kóz jumǵan.
"Qarmet" kompanııasy qaza tapqandardyń otbasyna kóńil aıtyp, jazataıym oqıǵanyń sebepteri men mán-jaılaryna jan-jaqty tergeý júrgizý úshin arnaıy komıssııa qurylǵanyn habarlaıdy.
Qaza tapqan D. Imanǵalıev 19 jasta, Iý.Samoılov 38 jasta bolǵan.
Sonymen qatar, kompanııa ónerkásiptik qaýipsizdikti kúsheıtýge baǵyt alyp, óz nysandarynda qyzmetkerlerinen de, merdigerlik uıymdardyń qyzmetkerlerinen de barlyq qaýipsizdik normalary men erejelerin múltiksiz saqtaýdy talap etpek.
Eske sala ketsek, 2023 jyldyń qazan aıynda "ArselorMıttal Temirtaý" kenishindegi apat eldiń taý-ken tarıhyndaǵy eń iri apat boldy. Apat bolǵan kezde shahtada 252 adam bolǵan, 208 kenshini qutqarýshylar jer betine alyp shyqqan, 46 adam qaza tapqan edi.
Al buǵan deıin 2006 jyly Lenın atyndaǵy shahtada bolǵan apattan 41 kenshi jer astynda qalǵan bolatyn.
