Qorshaǵan ortany lastaǵany úshin «QazAzot» mekemesine 6 mln teńge kóleminde aıyppul salyndy, dep habarlaıdy«Adyrna»tilshisi.
Mańǵystaý oblysy Basqudyq aýylynyń turǵyndary aýadaǵy jaǵymsyz ıstiń taralýyna baılanysty «QazAzot»AQ-nyń ústinen shaǵym túsirgen.
Eldiń shaǵymyna qulaq asqan oblystyq ekologııa departamenti «QazAzot» AQ-ǵa jospardan tys tekserý júrgizip, ammıak kólemi ruqsat etilgen shekti konentraııadan asyp ketkenin anyqtady.
«Tekseris barysynda quramynda ammıak bar sýdy zańsyz aǵyzý faktisi anyqtaldy. Bul jańadan salynǵan «QazAzot» AQ «Zalalsyzdandyrý jáne býlaný bólimi» nysanyn paıdalanýǵa berilgen kezde oryn alyp otyr. Osy faktiler boıynsha departament mamandary sý synamalaryn alyp, atmosferalyq aýany ólshedi. Júrgizilgen taldaý nátıjesi sýdyń quramyndaǵy zııandy zattardyń jáne atmosferalyq aýadaǵy ammıak normalarynyń ruqsat etilgen shekti konentraııadan asyp ketkenin kórsetti»- dedi Mańǵystaý oblystyq ekologııa departamenti basshysynyń orynbasary Maqsat Aısın.
Atalǵan ekologııalyq zańnamany buzý faktileri boıynsha «QazAzot» AQ QR ÁQBtK-niń 331-babynyń 1-bóligi jáne 328-babynyń 1-bóligi boıynsha ákimshilik jaýapkershilikke tartyldy.
Sondaı-aq kásiporynǵa zańbuzýshylyqty joıý jóninde nusqama berildi.
