Qazaqstandyq oqýshylar ınformatıka páninen EJOI-2024 eýropalyq jasóspirimder olımpıadasynda eki altyn, kúmis jáne qola medal jeńip aldy, dep habarlaıdy «Adyrna» tilshisi.
Moldovada ótken jarysqa 50 elden kelgen 200-ge jýyq oqýshy qatysty. Olımpıada eki kúnge sozyldy.
«Qatysýshylar kún saıyn úsh tapsyrmadan oryndady, ár jınaq úshin tórt saǵat qana berildi. Qazaqstan quramasy 100% nátıje kórsetip, tórt medal jeńip aldy:
Altyn medal – Mansur Mamadahýnov, Qyzylorda oblystyq S. Shaýhamanov atyndaǵy «Bilim-Innovaııa» daryndy balalarǵa arnalǵan lıeı-ınternatynyń 9-synyp oqýshysy.
Altyn medal – Jan Anrı, Almaty qalasyndaǵy «Respýblıkalyq fızıka-matematıka mektebiniń» 9-synyp oqýshysy.
Kúmis medal – Isataı Ismaǵzı, Taldyqorǵan qalasyndaǵy daryndy balalarǵa arnalǵan «Bilim-Innovaııa» lıeı-ınternatynyń 9-synyp oqýshysy.
Qola medal – Arnur Nurǵazın, Semeı qalasyndaǵy FMB NZM-niń 8-synyp oqýshysy»,—dep jazdy Oqý-aǵartý mınıstrliginiń baspasóz qyzmeti 20 tamyzda.
Komandany daıyndaǵan jetekshiler —Temirlan Satylhanov, ACM bas bapkeri, halyqaralyq jáne respýblıkalyq olımpıadalardyń jeńimpazy, Altaır Ashýrov, Nazarbaev Ýnıversıtetiniń stýdenti, halyqaralyq olımpıadalardyń jeńimpazy.
Esterińizge salsaq, ótken jyly EJOI-2023 olımpıadasynda qazaqstandyq jas baǵdarlamashylar bir altyn, eki kúmis jáne bir qola medal jeńip alǵan bolatyn.
