Astanada eks-şeneunık Erjan Babaqūmarovtyŋ ölımıne qatysty sot ükımı şyqty, dep habarlaidy "Adyrna" ūlttyq portaly Tengrinews.kz-ke sıltep.
Elordadaǧy mamandandyrylǧan audanaralyq qylmystyq sot qala tūrǧynyn Qazaqstan Respublikasy Qylmystyq kodeksınıŋ 99-baby 1-bölıgı («Adam öltıru») boiynşa kınälı dep tanyp, 11 jylǧa bas bostandyǧynan aiyrdy.
37 jastaǧy er adam sottaluşy dep anyqtalǧan. Ol būǧan deiın de qylmystyq jauapkerşılıkke tartylǧan. Atap aitqanda, 2025 jyldyŋ säuır aiynda azamattyq jūbaiyn soqqyǧa jyǧyp, oǧan ortaşa auyrlyqtaǧy dene jaraqattaryn keltırgenı belgılı boldy.
Aita keteiık, eks-şeneunık Erjan Babaqūmarov 2025 jyldyŋ 30 qazanynda qaza tapqan. Polisiianyŋ aldyn ala deregıne säikes, ol tanysymen bolǧan janjal kezınde soqqyǧa jyǧylǧan. Sözge kelıspeuşılık töbeleske ūlasyp, saldarynan 56 jastaǧy Babaqūmarov alǧan jaraqattarynan köz jūmǧan.
