قازاقستاندىق وقۋشىلار ينفورماتيكا پانىنەن EJOI-2024 ەۋروپالىق جاسوسپىرىمدەر وليمپياداسىندا ەكى التىن، كۇمىس جانە قولا مەدال جەڭىپ الدى، دەپ حابارلايدى «ادىرنا» ءتىلشىسى.
مولدوۆادا وتكەن جارىسقا 50 ەلدەن كەلگەن 200-گە جۋىق وقۋشى قاتىستى. وليمپيادا ەكى كۇنگە سوزىلدى.
«قاتىسۋشىلار كۇن سايىن ءۇش تاپسىرمادان ورىندادى، ءار جيناق ءۇشىن ءتورت ساعات قانا بەرىلدى. قازاقستان قۇراماسى 100% ناتيجە كورسەتىپ، ءتورت مەدال جەڭىپ الدى:
التىن مەدال – مانسۇر ماماداحۋنوۆ، قىزىلوردا وبلىستىق س. شاۋحامانوۆ اتىنداعى «ءبىلىم-يننوۆاتسيا» دارىندى بالالارعا ارنالعان ليتسەي-ينتەرناتىنىڭ 9-سىنىپ وقۋشىسى.
التىن مەدال – جان انري، الماتى قالاسىنداعى «رەسپۋبليكالىق فيزيكا-ماتەماتيكا مەكتەبىنىڭ» 9-سىنىپ وقۋشىسى.
كۇمىس مەدال – يساتاي يسماعزي، تالدىقورعان قالاسىنداعى دارىندى بالالارعا ارنالعان «ءبىلىم-يننوۆاتسيا» ليتسەي-ينتەرناتىنىڭ 9-سىنىپ وقۋشىسى.
قولا مەدال – ارنۇر نۇرعازين، سەمەي قالاسىنداعى فمب نزم-ءنىڭ 8-سىنىپ وقۋشىسى»،—دەپ جازدى وقۋ-اعارتۋ مينيسترلىگىنىڭ ءباسپاسوز قىزمەتى 20 تامىزدا.
كوماندانى دايىنداعان جەتەكشىلەر —تەمىرلان ساتىلحانوۆ، ACM باس باپكەرى، حالىقارالىق جانە رەسپۋبليكالىق وليمپيادالاردىڭ جەڭىمپازى، التاير اشۋروۆ، نازارباەۆ ۋنيۆەرسيتەتىنىڭ ستۋدەنتى، حالىقارالىق وليمپيادالاردىڭ جەڭىمپازى.
ەستەرىڭىزگە سالساق، وتكەن جىلى EJOI-2023 وليمپياداسىندا قازاقستاندىق جاس باعدارلاماشىلار ءبىر التىن، ەكى كۇمىس جانە ءبىر قولا مەدال جەڭىپ العان بولاتىن.
