16 tamyz kúni Almatyda atom elektr stanııasyn salý máselesi boıynsha ashyq jıyn ótedi. Bul týraly qala ákimdiginiń baspasóz qyzmeti jazdy, dep habarlaıdy «Adyrna» tilshisi.
Is-shara «Almatybasjospar» ǵylymı-zertteý ınstıtýtynda saǵat 9:00-de bastalady.
«Jarııa talqylaýǵa atom salasynyń salalyq sarapshylary qatysady. Sharany ótkizý barysynda azamattar ózderin qyzyqtyratyn tehnologııalardyń qaýipsizdigi boıynsha, AES qurylysynyń áleýmettik-ekonomıkalyq aspektileri boıynsha da kez kelgen suraqtaryn sarapshylarǵa qoıa alady»,–delingen habarlama.
Aıta keteıik, buǵan deıin elimizdiń 18 óńirinde AES qurylysy boıynsha talqylaýlar ótken edi.
