Mäskeude Qazaqstannyŋ Atom energetikasy agenttıgınıŋ töraǧasy Almasadam Sätqaliev pen «Rosatom» memlekettık korporasiiasynyŋ bas direktory Aleksei Lihachev atom salasyndaǧy yntymaqtastyqty jäne Qazaqstandaǧy «Balqaş» atom elektr stansiiasyn salu jobasyn talqylady. Būl turaly agenttık baspasöz qyzmetı i älımdedı, dep habarlaidy "Adyrna".
Taraptar atom salasyn damytudaǧy özara ıs-qimyldyŋ keŋ auqymdy mäselelerın qarastyrdy, sonyŋ ışınde «Balqaş» AES jobasyn ıske asyru da bar.
Agenttık mälımetınşe, kezdesude atom salasyna mamandar daiarlau, ǧylymi-tehnikalyq yntymaqtastyqty keŋeitu, sondai-aq qazaqstandyq kompaniialardy atom jobalaryna tartu mäselelerıne erekşe nazar audarylǧan.
«Bız osy stansiiany salu kezınde jergılıktendıru jäne qazaqstandyq kompaniialardy tartu, kadr daiarlau mäselelerın, sondai-aq jalpy ūzaq merzımdı yntymaqtastyqty talqyladyq. Barlyq baǧyt boiynşa ortaq tüsınıstıkke qol jetkızıldı. Ekı eldıŋ müddesıne jäne strategiialyq serıktestık sipatyna tolyq sai keletın negızgı täsılder qalyptastyryldy», - dedı Sätqaliev.
Kelıssöz qorytyndysy boiynşa Lihachev «Balqaş» AES jobasyn sättı jüzege asyru üşın jan-jaqty aldyn ala daiyndyq qajet ekenın atap öttı. Onyŋ ışınde taŋdalǧan aumaqty injenerlık zertteu jäne tabiǧi-klimattyq jaǧdailardy baǧalau bar.
«Öndırıstık baǧdarlama ıs jüzınde oryndaluda, alaida alaŋ boiynşa kemınde bır jyl baqylau qajet. Sonyŋ negızınde barlyq qajettı esepter daiyndalyp, joba naqty osy jerdıŋ tabiǧi, geologiialyq jäne aua raiy jaǧdailaryna sai jüzege asyrylady», - dedı «Rosatom» basşysy.
Ol sondai-aq «Balqaş» AES jobasy taŋdalǧan aumaqtyŋ erekşelıkterın eskere otyryp jäne Reseidıŋ atom energetikasyndaǧy tehnologiialyq şeşımder negızınde jasalatynyn aitty.
Taraptar beibıt atom tehnologiialaryn paidalanu salasyndaǧy konstruktivtı dialogty jalǧastyruǧa jäne yntymaqtastyqty keŋeituge daiyn ekenın bıldırdı.
