Qazaqstannyŋ Atom energiiasy agenttıgı eldıŋ alǧaşqy atom elektr stansiiasyna atau beru boiynşa ūlttyq konkurstyŋ aiaqtalǧanyn aitty, dep habarlaidy "Adyrna" ūlttyq portaly.
Baiqauǧa 27 myŋnan astam qazaqstandyq qatysyp, öz nūsqalaryn joldaǧan. Konkurs 25 qyrküiekte saǧat 12:00-de eGov Mobile qosymşasynda bastalyp, 10 qazan künı 23:59-da aiaqtaldy. Ekı apta ışınde azamattar myŋdaǧan atau nūsqasyn ūsynǧan.
Agenttık ökılderınıŋ aituynşa, mūndai belsendılık qazaqstandyqtardyŋ atom energetikasyna degen qyzyǧuşylyǧynyŋ joǧary ekenın jäne el üşın maŋyzdy jobany qoldauǧa daiyn ekenın körsetedı.
Qazır agenttık ūsynylǧan ataulardy taldau jäne jüieleu jūmysyn bastap kettı. Mamandar aldymen barlyq nūsqalardy saraptap, bırıktırılgen esep daiyndaidy. Keiın materialdar Konkurs komissiiasynyŋ qarauyna jıberıledı.
Qazan aiynyŋ soŋynda ötetın komissiia otyrysynda alǧaşqy qazaqstandyq AES-ke berıletın eŋ üzdık atau anyqtalady.
«Bolaşaq stansiianyŋ atauy elımızdıŋ energetika salasyndaǧy jaŋa kezeŋnıŋ simvolyna ainalady», – delıngen agenttık mälımdemesınde.
