Qairat Satybaldynyŋ memleketke qaitarǧan mülkınıŋ tızımı jariialandy

Sybailas jemqorlyqqa qarsy ıs-qimyl agenttıgı Qairat Satybaldyūlynyŋ tärkılengen dünie-mülkınıŋ tızımın jariialady, dep habarlaidy “Adyrna” ūlttyq portaly.

Vedomstvonyŋ mälımetınşe, Qairat Satybaldyūlyna qatysty "Qazaqtelekom" AQ, "Kölık servis ortalyǧy" AQ qarajatyn asa ırı mölşerde jymqyru, qylmystyq jolmen alynǧan aqşany jäne özge de mülıktı zaŋdastyru (jylystatu), sondai-aq onyŋ baqylauyndaǧy kompaniianyŋ kedendık bajdardy töleuden jaltaru faktılerı boiynşa qylmystyq ıster tergeldı.

"Tergeu barysynda Q. Satybaldyūly öz kınäsın tolyq moiyndap, zalaldy tolyq kölemde ötedı, sondai-aq qylmystyq qūqyq būzuşylyqtardy tergeuge jäne qylmystyq jolmen alynǧan mülıktı aşuǧa yqpal ettı. 2022 jyldan bastap qazırgı uaqytqa deiın Qairat Satybaldyūly jäne onymen bailanysty tūlǧalardan memleketke zaŋsyz satyp alynǧan 732,8 mlrd teŋge nemese 1,6 mlrd AQŞ dollarynan astam somaǧa mülıktık aktivter men aqşalai qarajat qaitaryldy", - deidı vedomstvo.

Onyŋ ışınde 661,5 mln AQŞ dollary şetelden tabyldy, olar qysqa merzımde Qazaqstanǧa qaitarylǧan. Antikor Satybaldymen belsendı yntymaqtastyq nätijesınde aktivter Avstriia, Lihtenştein, BAÄ, Türkiia jäne t. b. elderden qaitarylǧanyn aitty.

Olardyŋ qatarynda äkımşılık ǧimarattar, ekskliuzivtı zergerlık būiymdar, liuks üiler, päterler men avtomobilder, aksiialar men kompaniialardyŋ ülesterı, temırjol joldary men aqşa qarajattary kıredı, sonyŋ ışınde şeteldıkter de bar.

1. "Qazaqtelekom" AQ aksiialarynyŋ 28,8% - 93,8 mlrd tg;
2. "KSO" AQ – 30,2 mlrd tg;
3. 4 kompaniiadaǧy qatysu ülesı – 10,3 mlrd tg;
4. Qazaqstandaǧy mülıktık aktivter – 158,5 mlrd tg;
5. Ekskliuzivtı zergerlık būiymdar – 105,39
   Ūqsas jaŋalyqtar

   Qairat Satybaldy memleketke taǧy 44,6 mlrd teŋge qaitardy – antikor

   Bızdıŋ ükımet «ört söndıruşıler» komandasy siiaqty — Ämırjan Qosanov

   Prezidenttıŋ qandai saiasi reformalary 2021 jyly jüzege asyryldy?

   
   
   mlrd tg. (230 mln.$);
6. Qazaqstandyq şottardaǧy aqşa – 36,8 mlrd tg;
7. Avstriiadan kelgen aqşa – 36,8 mlrd tg. (82,1 mln.$);
8. Lihtenşteinnen tüsken aqşa – 116,7 mlrd tg. (260,5 mln.$);
9. BAÄ-nen kelgen aqşa – 6,3 mlrd tg. (14 mln.$);
10. Türkiiadan kelgen aqşa – 2,2 mlrd tg. (4,92 mln.$);
11. Baǧaly qaǧazdardy satu – 135,8 mlrd tg. (300 mln dollar).

"Mäselen, qūny 158 mlrd teŋgeden asatyn 115 qazaqstandyq obekt memlekettık menşıkke berıldı, onyŋ ışınde 73 jyljymaityn mülık obektısı (13 üi, 10 ǧimarat, 13 jer uchaskesı, 4 päter, 3 ǧimarat, qosymşa salynǧan 2 medrese ǧimaraty, 2 tūraq orny, 25 üi-jai, 1 aiaqtalmaǧan qūrylys obektısı), 37 jyljymaly mülık obektısı (29 avtomaşina, 5 arnaiy tehnika, 3 kvadrosikl) jäne özge de mülık", - deidı antikor.

Aqparatqa säikes, mülıktıŋ bır bölıgı onyŋ jaqyn tuystaryna, affiliirlengen tūlǧalaryna jäne baqylaudaǧy kompaniialarǧa räsımdelgen.

Astana jäne Almaty qalalarynda memleketke berılgen äkımşılık ǧimarattardyŋ jalpy audany 180 myŋ şarşy metrden asady.

Būryn būl aktivter jalǧa berılıp, jyl saiyn menşık iesıne milliardtaǧan tabys äkelgen.

"Liuks nysandarynyŋ bırı – Aqmola oblysynyŋ Barap auylynda jalpy audany 1,5 myŋ şarşy metr, jer uchaskesı 135 gektar būrynǧy Q.Satybaldyūly rezidensiiasy – Astana qalasynyŋ bılım basqarmasyna berıldı", - deidı vedomstvo.

Būl qarajattar memleketke qaitarylyp, äleumettık maqsattarda paidalanuǧa baǧyttaldy.