Qaraǵandyda óz balalaryn óltirdi dep aıyptalǵan 21 jastaǵy kelinshekke sot úkimi shyqty. Anasynyń qolynan qaza tapqan qyzdary 2 jáne 4 jasta bolǵan, - dep habarlaıdy "Adyrna" ulttyq portaly.
Qylmys aǵymdaǵy jyldyń sáýir aıynda bolǵan. Sot anyqtaǵandaı, aıyptalýshy úsh kishkentaı qyzymen birge Qaraǵandy oblysy, Buqar jyraý aýdanyndaǵy aýyldardyń birinde jubymen birge turǵan. Bir kúni er adam áıel men balalardy úıge qamap, jumysqa ketip qaldy.
Aıyptaý qorytyndysy boıynsha, jas kelinshek aqshanyń, tamaqtyń joqtyǵynan jáne balalarynyń únemi jylaýynan kúızeliske túsken. Al ony syrttan qamap ketkeni, jyǵylǵan ústine judyryq bolyp tıedi. Balalardyń kezekti aıqaıynan keıin ol úlken qyzdaryn tósekke jatqyzyp, kórpemen basyp, býyndyryp óltirdi.
Sottalýshy óz kinásin ishinara ǵana moıyndady. Ol balalardy óltirý nıeti joq ekenin, tek olardy azdap tynyshtandyrýdy qalaǵanyn aıtty. Sottalýshynyń advokaty ony Qazaqstan Respýblıkasy Qylmystyq kodeksiniń 99-babynyń 3-bóligi «Kámeletke tolmaǵandardy óltirý» boıynsha «Abaısyzda eki adamnyń ólimine ákep soǵý» 104-babynyń 2-bóligine qaıta dárejeleýdi surady.
Is boıynsha jınalǵan barlyq materıaldar men dáleldemelerdi zerdeleı kele, Qaraǵandy oblysynyń soty sottalýshyny jas balalardy óltirgeni úshin kináli dep tanyp, 20 jylǵa bas bostandyǵynan aıyrý jazasyn qatań tártiptegi qylmystyq-atqarý júıesinde óteýge taǵaıyndady.
«Sottalýshyǵa taǵaıyndalǵan baptyń sankııasynda jaza taǵaıyndaý kezinde 20 jylǵa bas bostandyǵynan aıyrý nemese ómir boıyna bas bostandyǵynan aıyrý jazasy qarastyrylǵan. Qylmystyq kodekstiń 46-babyna sáıkes ómir boıyna bas bostandyǵynan aıyrý úkimi zańdy kúshine engen joq», - dep habarlady Qaraǵandy oblysy TJD baspasóz qyzmeti.
Aıta keteıik, sottalýshynyń úsh qyzy bolǵan, kishisi qylmys jasaǵan kezde alty aılyq bolǵan. Anasy ustalǵan soń sábı balalar úıine jiberildi.
Eske sala keteıik, buǵan deıin Qaraǵandy oblysynyń turǵyny kishkentaı balalaryn tamaq suraı bergen soń tunshyqtyryp óltirgeni habarlanǵan bolatyn. Balalardy tunshyqtyryp óltirgen áıel óziniń seriktesin keshke deıin kútkeni habarlandy. Polıııa shaqyrǵan sol seriktesi bolatyn.
