Almatydaǧy köpqabatty tūrǧyn üilerdıŋ liftısınıŋ janynda er adamnyŋ äieldı aiamai sabaǧany qauıpsızdık kamerasyna tüsıp qalǧan. Beinejazbany «NeMolchi» qoǧamdyq qorynyŋ jetekşısı Dina Taŋsärı telegram arnasyna jüktedı, dep habarlaidy “Adyrna” ūlttyq portaly.
Beinejazbada er kısı äieldı 12 ret ūryp-teuıp, baspaldaqtan tömen qarai qūlatyp jıberedı. Artynan özı asyqpai liftıge kıredı. Al onyŋ bärın liftınıŋ janynda tūrǧan ekı jıgıt körıp tūrady. Olardyŋ bırı basbūzardy toqtatuǧa tyrysqan äreket jasap körse, ekınşısı taiaq jep jatqan äielge mız baqpai qarap tūrǧan.
Dina Taŋsärı beinejazbadaǧy äiel soqqyǧa alyp jatqan er adamnan ajyrasyp ketken, bıraq būrynǧy küieuı onyŋ ızıne tüsıp, ūryp jürgenın jazdy.
«Videoda ekeuı de er kısını toqtatuǧa tyryspaidy. Aiaq-qoldaryn kısendep qoiǧandai qarap tūr. Bırı tıptı bılegın aiqastyryp alǧan. Olar qoryqqannan aralaspai tūr dep aituşy bolmaŋyz. Joq, olar qorqyp tūrǧan joq. Olar mūndai zorlyqty ünemı körgen, olardyŋ etı üirenıp ketken. Esı dūrys adam mūndaidy körgende esınen tana jazdaidy. Bıraq bızde emes. Ol äieldı kartop salǧan qap siiaqty ūrǧylady. Sodan keiın tük bolmaǧandai bärı liftke kırıp kettı. Al äieldıŋ jai-küiı ne boldy? Tırı me? Kömek kerek şyǧar, bıraq oǧan eşkımnıŋ oǧan basy auyrmaidy»,- dep jazdy belsendı.
Almaty polisiiasynan bolǧan oqiǧaǧa şara qoldanu talap etıldı.
Ūqsas jaŋalyqtar
