Vıdeochatta belgisiz adammen sóılesip otyryp, Petropavl qalasyna Reseıge ótkizýdi suraǵan petropavldyq áıel sottalyp ketti, dep jazady "Adyrna".
Oqıǵa 2021 jyly qyrkúıekte bolǵan. Tatıana S. "Rýletka" chatynda otyrǵan. Olar belgisiz bir reseılik er adammen vıdeo arqyly sóılesip otyrǵan.
Jelide taraǵan vıdeoda er adammen dıalog kórsetiledi.
"Sizderdiń elińizde kim prezıdent bolǵanyn qalaısyz?", - dep suraıdy er adam.
"Pýtın jáne Nazarbaev", - deıdi áıel adam.
"Men Pýtın dep oılaımyn, al ol Nazarbaev dep esepteıdi. Nemese kerisinshe", - deıdi qasyndaǵy áıel.
"Bizdiń Petropavldy ózderińizge alyńyzdarshy. Qyrymdy alǵandaı", - deıdi vıdeodaǵy áıel.
Tatıana S-ǵa separatızm boıynsha aıyp taǵylyp, ol sot úkimi boıynsha úsh jylǵa bas bostandyǵynan aıyrylǵan. Bıyl 30 mamyrda Soltústik Qazaqstan oblysynyń Petropavl qalalyq soty Tatıana S.-ny Qazaqstan Respýblıkasy Qylmystyq kodeksiniń 180-babynyń 2-bóligi ("Separatıstik áreket") boıynsha qylmystyq quqyq buzýshylyq jasaǵany úshin kináli dep tanydy.
Sottyń úkimi áli kúshine engen joq.
"Adyrna" ulttyq portaly
