Videochatta belgısız adammen söilesıp otyryp, Petropavl qalasyna Reseige ötkızudı sūraǧan petropavldyq äiel sottalyp kettı, dep jazady "Adyrna".
Oqiǧa 2021 jyly qyrküiekte bolǧan. Tatiana S. "Ruletka" chatynda otyrǧan. Olar belgısız bır reseilık er adammen video arqyly söilesıp otyrǧan.
Jelıde taraǧan videoda er adammen dialog körsetıledı.
"Sızderdıŋ elıŋızde kım prezident bolǧanyn qalaisyz?", - dep sūraidy er adam.
"Putin jäne Nazarbaev", - deidı äiel adam.
"Men Putin dep oilaimyn, al ol Nazarbaev dep esepteidı. Nemese kerısınşe", - deidı qasyndaǧy äiel.
"Bızdıŋ Petropavldy özderıŋızge alyŋyzdarşy. Qyrymdy alǧandai", - deidı videodaǧy äiel.
Tatiana S-ǧa separatizm boiynşa aiyp taǧylyp, ol sot ükımı boiynşa üş jylǧa bas bostandyǧynan aiyrylǧan. Biyl 30 mamyrda Soltüstık Qazaqstan oblysynyŋ Petropavl qalalyq soty Tatiana S.-ny Qazaqstan Respublikasy Qylmystyq kodeksınıŋ 180-babynyŋ 2-bölıgı ("Separatistık äreket") boiynşa qylmystyq qūqyq būzuşylyq jasaǧany üşın kınälı dep tanydy.
Sottyŋ ükımı älı küşıne engen joq.
"Adyrna" ūlttyq portaly
Ūqsas jaŋalyqtar
