Қарағандыда өз балаларын өлтірді деп айыпталған 21 жастағы келіншекке сот үкімі шықты. Анасының қолынан қаза тапқан қыздары 2 және 4 жаста болған, - деп хабарлайды "Адырна" ұлттық порталы.
Қылмыс ағымдағы жылдың сәуір айында болған. Сот анықтағандай, айыпталушы үш кішкентай қызымен бірге Қарағанды облысы, Бұқар жырау ауданындағы ауылдардың бірінде жұбымен бірге тұрған. Бір күні ер адам әйел мен балаларды үйге қамап, жұмысқа кетіп қалды.
Айыптау қорытындысы бойынша, жас келіншек ақшаның, тамақтың жоқтығынан және балаларының үнемі жылауынан күйзеліске түскен. Ал оны сырттан қамап кеткені, жығылған үстіне жұдырық болып тиеді. Балалардың кезекті айқайынан кейін ол үлкен қыздарын төсекке жатқызып, көрпемен басып, буындырып өлтірді.
Сотталушы өз кінәсін ішінара ғана мойындады. Ол балаларды өлтіру ниеті жоқ екенін, тек оларды аздап тыныштандыруды қалағанын айтты. Сотталушының адвокаты оны Қазақстан Республикасы Қылмыстық кодексінің 99-бабының 3-бөлігі «Кәмелетке толмағандарды өлтіру» бойынша «Абайсызда екі адамның өліміне әкеп соғу» 104-бабының 2-бөлігіне қайта дәрежелеуді сұрады.
Іс бойынша жиналған барлық материалдар мен дәлелдемелерді зерделей келе, Қарағанды облысының соты сотталушыны жас балаларды өлтіргені үшін кінәлі деп танып, 20 жылға бас бостандығынан айыру жазасын қатаң тәртіптегі қылмыстық-атқару жүйесінде өтеуге тағайындады.
«Сотталушыға тағайындалған баптың санкциясында жаза тағайындау кезінде 20 жылға бас бостандығынан айыру немесе өмір бойына бас бостандығынан айыру жазасы қарастырылған. Қылмыстық кодекстің 46-бабына сәйкес өмір бойына бас бостандығынан айыру үкімі заңды күшіне енген жоқ», - деп хабарлады Қарағанды облысы ТЖД баспасөз қызметі.
Айта кетейік, сотталушының үш қызы болған, кішісі қылмыс жасаған кезде алты айлық болған. Анасы ұсталған соң сәби балалар үйіне жіберілді.
Еске сала кетейік, бұған дейін Қарағанды облысының тұрғыны кішкентай балаларын тамақ сұрай берген соң тұншықтырып өлтіргені хабарланған болатын. Балаларды тұншықтырып өлтірген әйел өзінің серіктесін кешке дейін күткені хабарланды. Полиция шақырған сол серіктесі болатын.
