Almatyda áıel 4 jastaǵy ulymen birge terezeden sekirip ketti. Qaıǵyly oqıǵa 11 naýryzda tańǵy ýaqytta Almaty qalasyndaǵy "Komfort Sıtı" turǵyn úı kesheninde bolǵan, dep habarlaıdy “Adyrna” ulttyq portaly Orda.kz portalyna silteme jasap.
Aqparatqa sáıkes, 1990 jyly týǵan áıel óziniń tórt jasar ulymen birge kópqabatty úıdiń terezesinen qulap ketken. Oqıǵa ornyna jedel járdem qyzmeti shaqyrtylǵanymen, áıel sol jerde kóz jumdy. Al onyń 2021 jyly týǵan uly aýyr jaraqattarmen aýrýhanaǵa jetkizildi.
Qazirgi ýaqytta bala aýyr halde jansaqtaý bóliminde jatyr. Dárigerler onyń ómiri úshin kúresýde. Mamandar onyń jaǵdaıyn óte aýyr dep baǵalap otyr.
Ázirge áıeldiń óz erkimen sekirgeni nemese basqa bireýdiń ıtergeni belgisiz. Quzyrly organdar tergeý jumystaryn júrgizip jatyr. Sonymen qatar, osy turǵyn úı kesheninde buǵan deıin de birneshe qaıǵyly oqıǵalar bolǵany anyqtaldy.
Marqumnyń esimi - Álııa. Oqıǵanyń mán-jaıy tergeý barysynda belgili bolmaq.
