Eks mınıstr Qýandyq Bıshimbaǵv sotta marqum Saltanat Núkenovanyń ólimine qatysy baryn málimdese de, «qasaqana óltirmedim» dep aqtaldy, dep habarlaıdy “Adyrna” ulttyq portaly.
«Keshirim suraǵym keledi. Orny tolmas qaıǵy ekenin túsinemin ári bul jaǵdaıǵa meniń de qatysym bar. Alaıda áıelim Saltanatty qasaqana aıýandyqpen óltirgen joqpyn. Jekkórip, qarǵys atsańyzdar da qudaıdyń aldynda da, báriniń aldynda da jaýap berýge daıynmyn. Qasaqana óltirgen joqpyn. Men Saltanatty jaqsy kórdim, — dedi ol.
Saltanat Núkenovanyń anasy Bıshimbaevtyń sózine qarsylyq tanytyp, sot zalynda janaıqaıyn aıtty.
«Toqta. Sen qalaısha asa qatygezdikpen óltirmedim dep otyrsyń? Qaı betińmen osylaı sóılep tursyń? Sen ony birneshe saǵat boıy uryp-soqtyń. 8 saǵat boıy óltirdiń», — dedi Saltanattyń anasy.
Biraq sýdıa onyń sózin dereý toqtatyp tastady.
Aıta keteıik, búgin Saltanat Núkenovanyń ólimine kináli dep tanyǵan Qýandyq Bıshimbaeatyń kezekti sot otyrysy ótti. Búgin ol sotta alǵash sóz sóıledi.
