Astana qalasynyŋ azamattyq ıster jönındegı audanaralyq sotynda bügın Nazarbaevtar äuletınıŋ esımı atalǧan ıs qarala bastady, dep habarlaidy "Adyrna" ūlttyq portaly QazTAG-qa sılteme jasap.
Iste talapker retınde Bas prokuratura janyndaǧy aktivterdı qaitaru komitetı körsetılgen, al jauapker – Nazarbaev N. B. Būl marqūm Bolat Nazarbaevtyŋ 41 jastaǧy ūly Nūrbol Nazarbaev boluy mümkın degen boljam bar. Degenmen ıstıŋ naqty män-jaiy jariia etılmei, sot ta, komitet te qūpiialylyqqa sılteme jasaǧan.
Telegram-arnalardyŋ mälımetınşe, biylǧy 8 qyrküiekte prezident Qasym-Jomart Toqaev halyqqa Joldauynda atalǧan komitettı «investorlardyŋ qūqyqtaryn qorǧau komitetı» dep qaita ataudy ūsynǧan. Ol Bas prokuraturanyŋ zaŋsyz aktivterdı ielerınen qaitaruda atqarǧan jūmysyna oŋ baǧasyn berıp, būl bastamany «eskı» jäne «jaŋa» Qazaqstan arasyndaǧy teketırestıŋ aiaqtalǧanynyŋ belgısı dep tüsıngen sarapşylar da boldy.
Aşyq derekközderge süiensek, Nūrbol Nazarbaev 2011-2017 jyldary Almaty oblystyq IID-de qyzmet atqarǧan, basşynyŋ orynbasary qyzmetıne deiın köterılgen. Al 2017 jyly ol Prime Capital Holding investisiialyq qoryn qūryp, baqylau keŋesın basqarǧan.
