Memleket basşysy Özbekstan prezidentınıŋ kömekşısı Saida Mirziioevany qabyldady. Būl turaly Aqorda jariialady, dep habarlaidy “Adyrna” ūlttyq portaly.
Kezdesu barysynda ekı el arasyndaǧy köpjaqty serıktestıktı odan ärı ılgerıletuge qatysty özektı mäseleler talqylandy.
Qasym-Jomart Toqaev Qazaqstan men Özbekstannyŋ odaqtastyq ärı strategiialyq sipattaǧy qarym-qatynasyn atap ötıp, joǧary deŋgeidegı saiasi dialogtyŋ tiımdılıgın arttyra tüsu üşın ekı el prezidentınıŋ äkımşılıkterı arasyndaǧy tyǧyz bailanysty jolǧa qoiu maŋyzdy ekenıne nazar audardy.
Kezdesude aqparattyq-ideologiialyq, mädeni-gumanitarlyq, bılım beru jäne jastar saiasaty salalaryndaǧy özara tiımdı yntymaqtastyqty nyǧaitu mäselesıne airyqşa män berıldı.
Prezident Astanada halyqaralyq «Zakovat» intellektualdyq oiynynyŋ ötkızıluıne qoldau bıldırıp, mūndai ıs-şaralar halyqtarymyzdyŋ arasyn jaqyndata tüsetının atap öttı.
Saida Mirziioeva - Özbekstan prezidentı Şavkat Mirziioevtıŋ tūŋǧyşy.
Ūqsas jaŋalyqtar
