Memleket basşysy Qazaqstan men älem alpinizmınde aty aŋyzǧa ainalǧan tūlǧamen jüzdeskenıne quanyşty ekenın jetkızdı.
"Özıŋızdıŋ zor qajyr-qairatyŋyz ben asa joǧary käsıbilıgıŋızdıŋ arqasynda Qazaqstan Respublikasynyŋ kök Tuy Jer şarynyŋ asu bermes asqarlarynda jelbıredı. Älemnıŋ eŋ biık nüktelerın baǧyndyrǧan täjıribelı şyŋǧa örmeleuşı, halyqaralyq turnirlerdıŋ jeŋımpazy retınde dünie jüzıne daŋqyŋyz jaiyldy. Everestke şyǧyp, bedeldı "Jetı şyŋ" klubyna müşe bolǧan alǧaşqy qazaqstandyq atandyŋyz. Sızdı elımızde alpinizm mektebınıŋ negızın qalauşy retınde qūrmetteidı. Otandyq mektep Qazaqstannyŋ jahandyq brendıne ainaldy. Talap men tärtıptı qatar qoiatyn talantty bapkerden bır şoǧyr alpinist-sportşylar tälım aldy. Olardyŋ qatarynda älem rekordyn jaŋartqan, chempion atanǧan, halyqaralyq alpinizm qozǧalysynyŋ elitasyna kırgen myqtylar barşylyq. Bapkerlıkpen şūǧyldanǧan uaqyt ışınde jüzden astam sport şeberın daiarladyŋyz. Şäkırtterıŋızdıŋ arasynda halyqaralyq därejedegı sport şeberlerı, tıptı, eŋbek sıŋırgen sport şeberlerı de bar. Sızdıŋ jetekşılıgıŋızben Qazaqstan qūramasy älemde bırınşı bolyp biıktıgı 8 myŋ metrden asatyn barlyq 14 şyŋǧa şyqty. Mūnyŋ özı bıregei jetıstık sanalady. Sportşylarymyz alpinizmnıŋ sız qalyptastyrǧan daŋqty dästürın jalǧastyryp, köptegen halyqaralyq saiystan tabysty oralyp jür", – dedı Prezident.Qasym-Jomart Toqaev Ervand Tihonovichtıŋ asyl qasietterı men adamdarǧa, äsırese, alpinisterge degen şynaiy qamqorlyǧyn joǧary baǧalady.
"Adam ömırı eŋ joǧary sporttyq jetıstıkterden qūndy" degen teŋeuıŋız alpinister arasynda qanatty sözge ainalyp kettı. "Alpinizm – adam men tabiǧat arasyndaǧy şahmat oiyny" dep däl aitqansyz. K2 (Chogori) şyŋyn betke alǧan komandaŋyzdyŋ alai-tülei boranǧa tap bolǧany mälım. Sol sätte şyŋnyŋ ūşar basyna qol sozym jer qalǧanyna qaramastan, kerı qaittyŋyz. Mūndai şeşım qabyldau oŋai emes. Osydan-aq dana, meiırban jan ekenıŋızdı aŋǧaramyz. Jetıstık pen jeŋıske eşqaşan masattanǧan emessız. Bärıne belgılı, üirenşıktı baǧyttarmen jürgende de saqtyqty ūmytpadyŋyz. Kez kelgen joryqqa osylai tyŋǧylyqty daiyndalu daŋqty alpinist, sportşy, tälımger retınde sızdıŋ "tölqūjatyŋyzǧa" ainaldy, – dedı Memleket basşysy.
Prezident elımızde alpinizmdı nasihattauda Ervand İlinskiidıŋ orasan jūmys atqarǧanyn atap öttı.
"Asqar şyŋdarǧa qūştarlyq, tauǧa şyǧu – äuestık qana emes, qorşaǧan ortany qasterlep, lastamauǧa ündeitın airyqşa ekologiialyq ömır salty. Jaŋa Konstitusiiada körınıs tapqan tabiǧatty aialau, ekologiialyq mädeniet jäne tazalyq qaǧidattary ūlttyq bolmysymyzben bıte qainasyp ketuge tiıs. Tau tabandylyqqa, tärtıp pen janaşyrlyqqa üiretedı. Biıkke köterılgen adam ruhtanady. Däl osy sebeptı alpinizm men tau turizmın naǧyz ömır mektebı dep atauǧa bolady. Ol myqtylardy şyŋdaidy, öz ortaŋda jauapty boluǧa baulidy. Būl mädeni ärı psihologiialyq fenomendı barynşa qoldap, ony jastar tärbiesınde paidalanuymyz kerek. Ükımettıŋ, salalyq ministrlıktıŋ aldynda alpinizmdı sport jäne zamanaui tau turizmınıŋ bır türı retınde jan-jaqty därıpteu mındetı tūr. Memleket pen demeuşılerdıŋ qarjysyn tarta otyryp, naqty ıs-qimyl baǧdarlamasyn äzırleu qajet. Memleket būl özektı mındettı şeşudı qolǧa alady, oǧan tiıstı nazar audarylady", – dedı ol.Qasym-Jomart Toqaev Ervand Tihonovichtıŋ ǧūmyr jolyn jasampaz patriotizmnıŋ, airyqşa janqiiarlyq pen asa joǧary käsıbilıktıŋ jarqyn ülgısı dep sanaidy
"Jastar tabandy ärı önımdı eŋbek ärdaiym laiyqty baǧasyn alatynyn köruge tiıs. Tabystyŋ oŋai kelmeitının tüsıngenı jön. Eŋbek – bärın jeŋbek. Meilı, sportta, bizneste, bılımde, ǧylymda, dalalyq jūmysta ne zauytta bolsyn, öz ısıne şyn berılgen, közdegen maqsaty aiqyn adamdar ömırlık mūratyna jetedı. Qūrmettı Ervand Tihonovich İlinskii siiaqty azamattar – qoǧamnyŋ tıregı, erlık pen eŋbekqorlyqtyŋ, tözımdılıktıŋ jarqyn ülgısı. Sondyqtan men sızge alpinizmdegı asa üzdık jetıstıkterıŋız, sondai-aq el sportynyŋ damuyna qosqan eleulı ülesıŋız jäne belsendı qoǧamdyq qyzmetıŋız üşın joǧary erekşelık belgısı – "Qazaqstannyŋ Eŋbek Erı" ataǧyn beru turaly şeşım qabyldadym. Bügın osy nagradany özıŋızge zor qūrmetpen tapsyramyn. Ervand Tihonovich, sızge myqty densaulyq, baq-bereke, mol tabys tıleimın! Alpinister arasynda "Özıŋızdı saqtaŋyz!" degen söz jiı aitylady. Sızge jäne janyŋyzda jürıp, serık bolǧan şäkırtterıŋızge osy tılektı arnaǧym keledı, – dedı Qasym-Jomart Toqaev.Ervand İlinskii atqarǧan qyzmetıne joǧary baǧa berıp, otandyq alpinizmge airyqşa köŋıl bölgenı üşın Qasym-Jomart Toqaevqa alǧys aitty.
"Mūny Qazaqstan alpinister qauymy jetken jetıstıkterdıŋ memleket deŋgeiınde tanyluy dep tüsınemın. Şyn mänınde, bızdıŋ tabysymyzdy şeteldık alpinister de moiyndaidy. Osyǧan kuä bolǧanyma quanyştymyn, – dedı ūlttyq qūramanyŋ tälımgerı.
