مەملەكەت باسشىسى وزبەكستان پرەزيدەنتىنىڭ كومەكشىسى سايدا ميرزيوەۆانى قابىلدادى. بۇل تۋرالى اقوردا جاريالادى، دەپ حابارلايدى “ادىرنا” ۇلتتىق پورتالى.
كەزدەسۋ بارىسىندا ەكى ەل اراسىنداعى كوپجاقتى سەرىكتەستىكتى ودان ءارى ىلگەرىلەتۋگە قاتىستى وزەكتى ماسەلەلەر تالقىلاندى.
قاسىم-جومارت توقاەۆ قازاقستان مەن وزبەكستاننىڭ وداقتاستىق ءارى ستراتەگيالىق سيپاتتاعى قارىم-قاتىناسىن اتاپ ءوتىپ، جوعارى دەڭگەيدەگى ساياسي ديالوگتىڭ تيىمدىلىگىن ارتتىرا ءتۇسۋ ءۇشىن ەكى ەل پرەزيدەنتىنىڭ اكىمشىلىكتەرى اراسىنداعى تىعىز بايلانىستى جولعا قويۋ ماڭىزدى ەكەنىنە نازار اۋداردى.
كەزدەسۋدە اقپاراتتىق-يدەولوگيالىق، مادەني-گۋمانيتارلىق، ءبىلىم بەرۋ جانە جاستار ساياساتى سالالارىنداعى ءوزارا ءتيىمدى ىنتىماقتاستىقتى نىعايتۋ ماسەلەسىنە ايرىقشا ءمان بەرىلدى.
پرەزيدەنت استانادا حالىقارالىق «زاكوۆات» ينتەللەكتۋالدىق ويىنىنىڭ وتكىزىلۋىنە قولداۋ ءبىلدىرىپ، مۇنداي ءىس-شارالار حالىقتارىمىزدىڭ اراسىن جاقىنداتا تۇسەتىنىن اتاپ ءوتتى.
سايدا ميرزيوەۆا - وزبەكستان پرەزيدەنتى شاۆكات ميرزيوەۆتىڭ تۇڭعىشى.
