Ǵylym jáne joǵary bilim mınıstri memlekettik grant ıegeri atana almaǵan túlekterge keńes berdi, dep habarlaıdy "Adyrna" ulttyq portaly.
Mınıstr Saıasat Nurbek granttan quralaqan qalǵan túlekterge múmkindikter tizimin usynyp, úmit úzbeýge shaqyrdy. Bul habarlama ǵylym jáne joǵary bilim mınıstrliginiń telegram jelisindegi resmı arnasynda jarııalandy.
«Sońǵy ýaqytta elimizde bolǵan sý tasqyny búkil elge ortaq synaq boldy. Osy jaǵdaıǵa baılanysty joǵary bilim granttarynyń az ǵana bóligin zardap shekken óńir túlekterine bóldik. Sany kóp te emes, 5112 grant. 20 myńnan astam túlek sý basqan óńirden bitirse, sonyń 10 myńnan astam túlegi ózderińizben birdeı jalpy konkýrspen ótti. Biz ony ádil jáne ashyq túrde bólýge bar kúsh-jigerimizdi saldyq. Keshegi ata-analar men balalardyń qýanysh jasyn kórip, biz de birge qýandyq. Biraq, ókinishke qaraı, grant ala almaǵan túlekter men otbasylarmen de birgemiz. Kóptegen adam mınıstrlikke, maǵan habarlasyp, jazyp jatyr, al osy nátıjeni sabyrmen qabyldaǵandar da bar eken. Aıtaıyn degenim, úmit úzbeńizder! Grant alý múmkindikteri áli de bar!», — deıdi Ǵylym jáne joǵary bilim mınıstri Telegram paraqshasynda.
Bıyl elimizde sý tasqynynan zardap shekken aımaqtar úshin kvota qarastyrylǵanymen, sol aımaqtardyń talapkerleri jalpy konkýrs boıynsha grant utyp aldy.
Grant alǵandardyń tek 1130-y nemese 1,7%-y múmkindikti paıdalandy.
Bul aımaqtardy qoldaý úshin talapkerlerge daıyndalý jáne konkýrsqa qujat tapsyrý úshin merzimi uzartylyp, konkýrsqa eń jaqsy UBT nátıjesi bar sertıfıkatyn usyný múmkindigi berilgeni anyqtaldy.
Joǵary ball jınaǵan 10 myńnan astam adam grant ala almaǵan. Onyń 7 myńnan astamy shyǵarmashylyq mamandyqtar boıynsha UBT tapsyrǵan túlekter bolyp shyqty.
«Qurmetti túlek, qadirli ata-ana bizdiń maqsatymyz — el ekonomıkasyna qajetti kadrlar daıyndaý. Grant alý múmkindikterińiz qaıtalap jazam áli de bar», — degen Saıasat Nurbek ózge granttardy tizip berdi.
— 3 myńǵa deıin talapker granttan bas tartýy múmkin, olar kelesi joǵary ball jınaǵan talapkerlerge beriledi.
— Jergilikti atqarýshy organdardyń ıaǵnı ákimdik granttary bar.
— KazEnergy qaýymdastyǵynyń granttaryn qosyńyz.
— H. A. Iassaýı atyndaǵy HQTÝ-de bilim alý úshin Túrkııa Respýblıkasynyń 500 granty.
— Jumys berýshilerdiń granttary.
— Túrkistandaǵy Halyqaralyq týrızm jáne qonaqjaılyq ýnıversıteti 800 maqsatty grant usynady.
— Qazaqstan halqyna qory 850 grant bóledi.
— Rektorlar granty, mysaly Turan-Astana ýnıversıteti Altyn belgi ıegerlerine granttar bólýde.
— Sessııa qorytyndysy boıynsha bos grant alý múmkindigi jáne bar.
«Grant ala almaǵan túlekterdi osy joǵarydaǵy múmkindikterdi barynsha paıdalanýǵa shaqyramyz», - deıdi mınıstr.
