Premer-Mınıstr Oljas Bektenovtiń tóraǵalyǵymen ótken Úkimet otyrysynda ishki ister mınıstri Erjan Sádenov jol-kólik oqıǵalaryn azaıtý máselesin kóterdi, dep habarlaıdy «Adyrna» tilshisi.
«Halyqaralyq tájirıbe jol ınfraqurylymynyń apatqa tikeleı áseri bar ekenin dáleldedi. Qazir respýblıkalyq joldardyń tek 3%-y ǵana qaýipsizdik talaptaryna sáıkes keledi. Osyndaı joldardy jóndegen soń adam shyǵyny birneshe ese azaıdy», — dedi ol búgin.
Mınıstr qala syrtyndaǵy joldardyń kúrdeli jaǵdaıyna da toqtaldy. Aıtýynsha, olardyń qazirgi jaǵdaıy aýyr apattarǵa ákelip soǵýda. Jyl basynan beri jol qaýipsizdigin jaqsartý boıynsha 24 myńnan astam nusqama berildi. Sonda da apattar sany azaımaı tur.
Buǵan qosa Erjan Sádenov shuǵyl túrde 4 jáne odan da kóp jolaǵy bar 6 myń shaqyrymnan astam jol salý qajet ekenin atap ótti.
