پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا ىشكى ىستەر ءمينيسترى ەرجان سادەنوۆ جول-كولىك وقيعالارىن ازايتۋ ماسەلەسىن كوتەردى، دەپ حابارلايدى «ادىرنا» ءتىلشىسى.
«حالىقارالىق تاجىريبە جول ينفراقۇرىلىمىنىڭ اپاتقا تىكەلەي اسەرى بار ەكەنىن دالەلدەدى. قازىر رەسپۋبليكالىق جولداردىڭ تەك 3%-ى عانا قاۋىپسىزدىك تالاپتارىنا سايكەس كەلەدى. وسىنداي جولداردى جوندەگەن سوڭ ادام شىعىنى بىرنەشە ەسە ازايدى»، — دەدى ول بۇگىن.
مينيستر قالا سىرتىنداعى جولداردىڭ كۇردەلى جاعدايىنا دا توقتالدى. ايتۋىنشا، ولاردىڭ قازىرگى جاعدايى اۋىر اپاتتارعا اكەلىپ سوعۋدا. جىل باسىنان بەرى جول قاۋىپسىزدىگىن جاقسارتۋ بويىنشا 24 مىڭنان استام نۇسقاما بەرىلدى. سوندا دا اپاتتار سانى ازايماي تۇر.
بۇعان قوسا ەرجان سادەنوۆ شۇعىل تۇردە 4 جانە ودان دا كوپ جولاعى بار 6 مىڭ شاقىرىمنان استام جول سالۋ قاجەت ەكەنىن اتاپ ءوتتى.
