Qazaqstandyq sportşylardyŋ basym köpşılıgı "dındı piar" retınde paidalanyp jatqany turaly aityldy, dep habarlaidy "Adyrna" ūlttyq portaly.
Būl taqyryp Facebook jelısınde jiı talqylanyp jatyr. Erbol Janatūly:
"Erdos keşe "Olimpiada chempiony bolu taǧdyryma jazylǧan eken" dedı. Ündemedık. Sebebı ol - chempion. Al bızdıŋ sanamyz ataqty men bilıgı bar adamdy synai almaidy.Aslanbek jeŋılıp qalǧanda "Allahtyŋ qalauy solai boldy" dedı. Synadyq. Sebebı bızdıŋ sanamyz älsız ben jeŋılgenderdı taptap ötıp, üstıne juyndy qūiyp ketuge beiım.Tanymal sportşylardy "qaba saqal, qyrma mūrt" qauym qūşaǧyna basyp alǧany eşkımdı alaŋdatpaidy.Memlekettıŋ, salyq töleuşılerdıŋ qarjysymen bala kezden baptalyp, biıkke jetken sportşy - halyq ökılı, halyq perzentı. Ondai daiyn "önımdı" Bekbolat, Mūhametjandar öz "dınınıŋ" piaryna paidalanyp jatqanyna män bermeimız", - dep jazdy ol.
Odan bölek, jelıdegı paraqşada būl jas sportşylarǧa kışıgırım "messedj" ekenı de aitylǧan.
"Būl — jas sportşylarǧa jasyryn messedj. "Bızdıŋ dındegıler ǧana osyndai jetıstıkke jetedı" degen ym. "Myqtylardyŋ bärı bızdıŋ qatarymyzda!" degen işara.Al, sportşy - köbıne mūndailardyŋ ara-jıgın ajyrata alatyn sana iesı bolmaidy. Sportşy - köp şynyqqan dene, täsılderdı köp qaitalap, baptalǧan tän iesı. Onyŋ 24 saǧatynyŋ köp bölıgı fizikalyq daiyndyqqa jūmsalǧan.Sportşy - dıni ideologiialardan qorǧauǧa mūqtaj adam!Jat dıni ideologiiadan bärımızdı qorǧauşy - memleket!Jaǧdai osyndai", - delıngen jazbada.
Odan bölek, Almagül İsina da sportşynyŋ BAQ ökılderıne bergen jauabyn synady.
Jelıdegı oqyrmandar "Öte dūrys. Bız mūsylmanbyz, būiyrtsa dep söilegen dūrys" dep jazsa, endıgı bırı "sportşy bolǧannan soŋ dınge qatty bailanbau kerek" degen syndy pıkır bıldırıp jatyr.
Ūqsas jaŋalyqtar
