Atyrauda kögaldandyru jūmystary qarqyndy jürgızılıp jatqanymen, onyŋ tiımdılıgıne qatysty qoǧamda ärtürlı pıkır qalyptasuda, dep habarlaidy "Adyrna" ūlttyq portaly.
Mūnai-gaz salasyndaǧy operator kompaniialardyŋ bırı North Caspian Operating Company (NCOC) soŋǧy jyldary öŋırde auqymdy aǧaş otyrǧyzu jobalaryn jüzege asyryp keledı. Kompaniia mälımetınşe, Atyrau oblysynyŋ bırneşe aumaǧynda 248 myŋnan astam köşet jersıngen.
Joba 2021 jyly oblys äkımdıgı men ekologiia salasyndaǧy memlekettık organdar arasynda jasalǧan memorandum aiasynda bastalǧan. Kögaldandyru jūmystary Berekeden bölek, Sokolok, Erkınqala, Maqat jäne Dossor aumaqtarynda jürgızılgen.
Alaida būl bastamaǧa syn aituşylar da bar. Belsendı Arman Hairullin äleumettık jelıde jariialaǧan pıkırınde kompaniianyŋ ekologiialyq qyzmetıne kümän keltırıp, öŋırdegı gazdy alauda jaǧu täjıribesınıŋ qorşaǧan ortaǧa kerı äserın atap öttı. Onyŋ aituynşa, öndırıstık nysandarda jyl saiyn jüzdegen million tekşe metr gazdyŋ jaǧyluy atmosferaǧa ziian keltırıp, tūrǧyndardyŋ densaulyǧyna äser etuı mümkın.
Al "Atyrau orman jäne januarlar älemın qorǧau jönındegı mekemesınıŋ" 2026 jylǧy deregıne säikes, küzde taǧy 60 gektar jerge köşet otyrǧyzuǧa daiyndyq jürgızılude. Nätijesınde biyl jalpy 100 gektar alqap igerıledı dep josparlanǧan.
Mamandardyŋ sözınşe, öŋırdıŋ quaŋ klimatyna bailanysty jergılıktı jerde ösırılgen köşetterdıŋ jersınu körsetkışı joǧary bolady. Degenmen salada qiyndyqtar da bar. Mäselen, 2024 jylǧy su tasqyny kezınde 200 gektar aumaqty su basyp, 360 myŋǧa juyq köşet zardap şekken.
Qazır Atyrau oblysyndaǧy orman qorynyŋ kölemı 56 myŋ gektardan asady. «Jasyl beldeu» baǧdarlamasy aiasynda 2030 jylǧa deiın öŋırde 5 million tüp aǧaş otyrǧyzu josparlanyp otyr.
