Búgin — qazaqtyń qos ǵaryshkeri Toqtar Áýbákirov pen Aıdyn Aıymbetovtiń týǵan kúni, dep habarlaıdy «Adyrna» tilshisi.
Sovet Odaǵynyń Batyry, KSRO ushqysh-ǵaryshkeri, Qazaqstannyń ushqysh-ǵaryshkeri, Qazaqstan Respýblıkalyq Halyq qaharmany Toqtar Áýbákirov 78-ke tolsa, Qazaqstannyń ushqysh-ǵaryshkeri, Qazaqstannyń Halyq qaharmany Aıdyn Aıymbetov 52 jasqa kelip otyr.
Tuńǵysh ǵaryshker Toqtar Áýbákirov 1946 jyly 27 shildede Qaraǵandy oblysynyń Qarqaraly aýdanynda dúnıege kelgen. Ol 1991 jyly 2 qazanda Baıqońyrdan «Soıýz TM-13» kemesimen kókke ushqan edi. Ǵaryshta 7 kún 22 saǵat 12 mınýt boldy. Toqtar Ońǵarbaıuly ózge ǵaryshkerlermen birge bıotehnologııa, metallýrgııa, medıına salalary jáne Aral teńizi aımaǵy boıynsha ǵylymı-zertteý jumystaryn júrgizdi.
Táýelsiz Qazaqstannyń alǵashqy ǵaryshkeri Aıdyn Aıymbetov 1972 jyly 27 shildede Almaty oblysy Taldyqorǵan qalasy Ótenaı aýylynda dúnıege kelgen. Ol 2015 jyldyń qyrkúıeginde «Soıýz TMA-18M» ǵarysh kemesiniń bortınjeneri bolyp, halyqaralyq ǵarysh stanııasyna ushqan bolatyn. 10 kúnge sozylǵan saparda Aıdyn Aıymbetov ǵaryshtaǵy 5-shi ulttyq ǵylymı zertteý baǵdarlamasyn oryndady. Alǵashqy 4 baǵdarlama 1991 jyly Toqtar Áýbákirovtyń jáne 1994, 1998, 2001 jyldary Talǵat Musabaevtyń ǵaryshtyq saparlarynda atqarylǵan edi.
Aıta keteıik, ǵaryshkerlerdiń ekeýi de Armavır joǵary áskerı avıaııa mektebin bitirip, áskerı ushqysh, keıinirek ǵaryshker atandy.
