Pnevmatıkalyq vıntovkamen 10 metrge nysana kózdeýden aralas komandalyq synda Islam Sátpaev pen Aleksandra Le olımpıada oıyndarynyń qola júldegeri atandy, dep habarlaıdy «Adyrna» tilshisi.
Fınaldyq kezeńde otandastarymyz Germanııa quramasymen kezdesti.
Alǵash ret olımpıada oıyndaryna qatysyp turǵan sportshylar Anna Iansen men Maksımılıan Ýlbrıhten basym tústi.
Aleksandra Le men Islam Sátbaevtyń analary Parıjdegi jazǵy Olımpıada oıyndarynyń onlaın-translıaııasyn úzbeı tamashalady.
"Men árqashan qyzymnyń jeńisine sendim. Ol on jyldan beri atyspen aınalysady. Erjúrek, ákesine uqsaǵan. Ókinishke qaraı, jubaıym Aleksandranyń 6 jasynda dúnıeden ozdy. Buǵan deıin qyzym búkil álemge tanymal bolatynyn aıtqan bolatyn. Biz ony bastapqyda Sandra dep ataǵymyz keldi, biraq sodan keıin Aleksandra degen esimge toqtaldyq. Barsha qazaqstandyqqa, sondaı-aq jattyqtyrýshysy Olga Dovgýnǵa qoldaý kórsetkeni úshin shyn júrekten alǵys aıtamyn. Meniń qyzym — Qazaqstannyń naǵyz patrıoty jáne eshqaıda kóshýdi josparlamaıdy", - dedi 20 jastaǵy sportshynyń anasy.
Islam Sátbaevtyń anasy Álııa Almabekqyzynyń aıtýynsha, 25 jastaǵy QR birneshe dúrkin chempıony jeti jasynan bastap atyspen aınalysady.
"Men túni boıy uıyqtamadym, ýaıymdadym, nátıjeleri jarııalanǵan kezde men qatty qýandym! Men ulym medal alady dep sendim, ol óte yntaly jáne eńbekqor”,—dedi chempıonnyń anasy.
Aıta keteıik, qola júlde jeńip alǵan qazaq sportshylary, sondaı-aq olardyń bapkerleri memleketten 75 myń AQSh dollarynan alady. Al Olımpıada chempıonyna 250 myń AQSh dollary, kúmis júldegerge 150 myń dollar beriledi.
